今日洗廳嘅窗簾，又將客房嘅被舖換過清香乾淨嘅，雖然天氣唔好，不過再唔洗，驚趕唔及過年前做完。
床單被舖依類貼身物品，我係絕對唔會出街洗㗎，加上我換得較頻密，若個個月出街洗，凈係洗衣費都要好多，都係自己係屋企洗完再烘乾較為經濟。
阿媽果邊，廳嘅窗簾超大幅，而且當初為追求個性，選用嘅材料係好粗獷嘅厚麻制成，因為實在太重，屋企嘅洗衣機都無可能洗得到，所以次次要洗都要出街洗，因為實在太重，洗一次嘅費用，都幾肉痛，所以吸取依個教訓，後嚟再買窗簾，一定係買較為輕身嘅絲質料，自己係屋企嘅洗衣機都可以洗得到，洗完直接掛返窗度，等風自己吹乾，咁就唔會成日聞到窗簾上嘅一陣塵味~~
因為今日洗換好多嘢，所以都無出街買餸，就用佐雪櫃東拼西湊出嚟嘅材料去求其煮返兩味。
用佐「荷蘭豆、木耳、甘筍、半條臘肉」
荷蘭豆先汆汆水，過一過凍水，咁再炒嘅時候，就好爽好脆了。
好簡單嘅一個荷蘭豆炒臘肉。。。。
總有一個好鐘意食嘅炒紹菜，兩味餸搞掂~~
沒有留言:
張貼留言