周一

每周一素之豆芽豆卜炒河拼串燒素丸，再煲返個腐皮粟子花生核桃圓肉湯。

真好~

放佐學係樓下平台同小朋友跑下玩下~~

秋的黃昏，淡淡的涼，迎著暉，如何能不愛~~

小朋友亦感受到依一份美與好~~~

好靚~~~容我細味一番~~~

認真的男人最可愛

一直無特別俾小朋友接觸電子產品，一支筆一張紙已經可以令小朋友玩半日。

從來無特別話俾小朋友知，佢需要點樣使用筆同紙，由得佢係色彩的世界自由自在。

日子有功，小朋友對色彩的敏感度及小手肌的控制都有好明顯的成長。

最緊要，對提升專注力以及想像力，絕對有正面的影響~~

小朋友無返過繪畫的班，但佢似乎對畫畫有好濃厚的興趣，或者等佢再大啲，問下佢有無興趣去系統的學習繪畫~~

中秋節功課之親子環保花燈製作

偶爾茹素

今天星期一，慣例茹素。

小朋友煮了個菜飯給他，加了洋蔥土豆紅蘿蔔還有一點點紅棗，與生米加水加一點點油，飯熟菜也軟，吃的時候拌入一點點的蒜鹽調味，小朋友輕鬆吃光光一大碗~~

買了一塊冬瓜，挖出一粒粒球~~~

這道菜我沒記錯的話是七八年前剛學做飯的時候突發其想做出來的菜，今天再做來，味道依舊不錯~~~

把冬瓜讓入豆泡里，上鍋蒸十分鐘至熟。

打個芡淋入即成，非常簡單又快手的一道菜。

極清的一道餸~~

有凈的冬瓜，加上金針與粉絲滾成一道湯水，起鍋時淋入香油同鹽調味即成~

炒多碟韭菜炒豆乾~~~

每周一素~~~

芝士西多

中午玩完返嚟，我自己都餓到手軟腳軟，顧唔上自己食，就先煮俾細嘅食，先至好似係完成佐一個任務，才能夠繼續下一個任務。

反以通常煮好，理得佢食與唔食，我無力去追住佢食，煮好擺係出邊，我就自己去做我自己嘅事，佢係出邊食就食，唔食算數，唔知係咪我理得佢少，所以通常佢都會自覺食完。

好多媽媽都有個誤區，以為餐餐都需要有菜有肉有飯，先至係對得住小朋友嘅至營一餐。

其實就算係大人，餐餐類似咁嘅食物，食得多都會胃覺疲勞，何況貪新鮮嘅小朋友。

如果佢乜都唔食，有營到飛起又點。

所以中午我通常都唔會煮得太正式，多數以粉麵小食為主。

依日又整一個快手小食。

打個蛋，好易嘅一件事，就俾小朋友代勞。

兩塊麵包，中間夾塊芝士，然後兩面沾上蛋漿。

然後上鑊煎熟兩邊即成。

我煎緊麵包嘅時候，突然聽到水聲。

擰轉面一睇，個小朋友係度洗緊裝蛋漿嘅碟。

可能係因為入邊已經無佐蛋漿，所以佢自己判斷依個碟無需要再用，咁佢就幫手清洗。

講真，我真係好少特別去教待小朋友，乜係佢可以做，乜唔可以做，我覺得留返多啲佢自己思考嘅空間，佢自己遇到嘅問題越多，佢自己發現解決問題嘅方式就越多，雖然依家佢因為能力關係，我需要係後邊幫佢拾手尾嘅事情有好多，但我相信隨著佢遇上嘅問題越多，佢解決問題嘅能力就只會越強。

雖然依家因為佢對世界樣樣好奇而惹出唔少麻煩，我寧可擔起唔識教仔嘅惡名，都要保持內心嘅平靜，保護小朋友在認識世界嘅路上跌跌又撞撞嘅權利不受世俗規條嘅扼殺。

以一個兩歲半嘅小朋友嚟講，佢洗碗嘅程序完全無錯，而且總要洗得頗為乾淨，基本上可以無需我重複洗多次，算係唔錯。

細火少油，煎熟即可。

一擺出嚟，有個小朋友已急不及待~~

香蕉薄餅

每次買香蕉，總會有凈一兩條熟透無人食。

依日無乜小食俾個小朋友，見條蕉咁熟無人吼，咁就一於整返個小食俾小朋友。

香蕉壓蓉，打入一個蛋，搞掂個漿喇，就咁簡單~~~

然後用平底鑊，煎成一片片。

我煎成細細一塊，易煎啲，一條蕉一個蛋，已經可以煎成五塊。

因為香蕉糖份較高，好易煎到黑麻麻。

所以要用細火慢慢煎。

麵粉都無需要，材料又易搵到，做法更簡單。

三幾下手勢就整好一款小食。

切開嚟睇下，軟綿綿，香甜可口。

但凡圓形，個小朋友都一定會~~~~~

真係吹佢唔脹~~~

煮粉仔

係網上見到網友煮粉仔，屋企人亦教過我相似做法，今日中午又整粉仔俾屋企個小朋友做午餐。材料就好簡單，粘米粉加糯米粉。

咁煮少少一餐俾小朋友，我就用佐五大湯匙粘米粉，一匙糯米粉，用大約五匙熱滾水，搓好個粉糰。

我係早上出門前搓好個粉糰，就帶小朋友落街搵朋友仔玩，返到屋企就即刻可以煮得。

唔同麵粉，依種粉糰無乜筋性。

所以我就用刀面，壓扁個粉糰，再推平佢。

然後切成一條條即成~~~

用蔥頭瘦肉爆香鑊，加水煮滾即成湯底。

加入切條粉仔入湯直接煮熟，起鑊前落一大匙銀芽~~

又滑又軟綿綿小朋友一試即鐘意~~~