煮粉仔

係網上見到網友煮粉仔，屋企人亦教過我相似做法，今日中午又整粉仔俾屋企個小朋友做午餐。材料就好簡單，粘米粉加糯米粉。

咁煮少少一餐俾小朋友，我就用佐五大湯匙粘米粉，一匙糯米粉，用大約五匙熱滾水，搓好個粉糰。

我係早上出門前搓好個粉糰，就帶小朋友落街搵朋友仔玩，返到屋企就即刻可以煮得。

唔同麵粉，依種粉糰無乜筋性。

所以我就用刀面，壓扁個粉糰，再推平佢。

然後切成一條條即成~~~

用蔥頭瘦肉爆香鑊，加水煮滾即成湯底。

加入切條粉仔入湯直接煮熟，起鑊前落一大匙銀芽~~

又滑又軟綿綿小朋友一試即鐘意~~~