繼續在床上假寐，悄悄地側著耳，聽他一個人在廚房里煲水，衝咖啡，煮麥皮的聲音。
然後打開雪櫃，自己切了件蛋糕，端著咖啡麥皮，捧著蛋糕回到廳，看著電視新聞，生著悶氣，自己食完整個早餐。
默默地清洗完餐具，小聲的入房推開衣櫥取乾淨的衣服，進浴室洗浴，整理齊全之後，進房悄悄看了我一眼，確定我只是在裝睡後，小聲地說了句「我返工啦，晏晝唔返」
停頓幾秒「老婆，毋嬲啦」
「我返工啦，我自己鎖門」
依然睡在床上，不予理睬。
嬲！
女人嬲緊的時候，最大的抗議方式，係沉默。
男人永遠唔明女人想要的是什麼，其實，女人自己也並不是太清楚。
香港男人，怕老婆的佔多數。
其實女人很清楚，並不是因為女人夠惡，而是因為男人愛著那個女人，不想因為自己的不妥協而引致女人的不愉快，因此，大多數時候，男人總是本著「多一事，不如少一事」的態度面對女人。也因此，大多數時候，女人的意見，漸成男人處事的標準。
當男人事事順從之後，女人開始不滿「為什麼家中所有主意都要由我決定，你係男人，為什麼你什麼主意都不能抓，都要由我決定，我覺得自己好辛苦，似乎所有事情，都是我一個人在面對」
又或者，家中事無大小，均由男人拍板的時候，日子耐佐，女人一樣會漸生委屈「點解，屋企咩事都係你講哂你話哂事啦，咁我的存在，算係乜」
女人的反應，叫男人何去何從？
所以其實做男人，真的是很難，猶其做一個愛老婆的男人，更是難上加難。
或者就是如此，男人，才會稱之為「難人」？
因此我建議，做為女人，做為一個愛男人的那個女人，多少需要偶爾良心發現，不要過份追究細節誰對誰錯，夫妻一世，難免爭執，但要識得，爭執過後，及時彌補返關係。
同埋好多時，真係要放手俾男人自己渣主意，在家中要避免過於強權，男人依次做得唔夠好，咪下次再嚟過，依次嘅決定錯誤，咪當買個教訓，下次咪再犯囉，等男人在家庭當中，獲得更多的認同感，夫妻之間，有事多商量，女人一定要切記，避免在家庭當中，過於強勢，認清自己所想所要，再理性地與丈夫共同商議，咁樣夫妻關係，先可以「百頭到老」~~~
四年幾五年的婚姻生活，因為強哥的愛護與遷就，令我的小姐脾氣，只有變本加厲，所以老公，如果你睇到我依篇說話，請你相信我，道理我明白㗎，我會真心思過，以後儘量收斂脾氣，同埋俾多啲空間你自己話事同做主，好麼~~
PS.話返轉頭,我覺得世上最難搞嘅老婆莫過於此,一時天使一時魔怪,叫老公你哭笑不得,又愛又恨係咪?不過我個人意見,我覺得你絕對係賺佐!!!
你諗下,娶一個天使,送埋一個魔怪俾你喎,買一送一,有賺啦你,所以總括嚟講,我覺得你應該笑多啲!!!!#^$%^^*&&*)_)+%&**&
你知道嗎,你笑的模樣,是最可愛的~~~
~~~~~~~~~~~~~~~~~~~~~~~~~~~~~~~~~~~~
唔嬲嘅時候，我會心甘情願一早爬起身為老公煮早餐~~~
提早一日煮定一碗蔥香甜豉油擺住，平時撈面或者撈粉乜都得~~~
做法好簡單：
1、乾蔥切碎，熱鑊落油爆出香味
變成蔥油。。。
油我落多啲，另外裝起一部份，蔥油愛嚟炒餸或者俾尾油或者撈粉麵都好香㗎。
2、爆香乾蔥後，原鑊落水、生抽老抽、雞粉、糖煮滾即可~~~
咸甜度，可以自己試味，如果覺得唔夠咸可以落少少鹽。
平時可以預先煮好擺住，整腸粉配依個甜豉油，最好味~~~
買佐包豬腸粉.
第二日早上,隔水蒸返熱,食凈有少少叉燒,剪碎加埋入去蒸熱.
蒸好後嘅腸粉,淋上一大匙甜豉油.....
香噴噴~~~~
美美早餐~~~
晚上~~
好快手地讓好雪櫃凈有嘅幾隻青椒同豆卜,煎一煎佢
然後落蒜頭炒炒,跟手加水,加豉油糖酒,蓋埋蓋燜煮幾分鐘至乾水即可~~
惹味好送飯~~
煙肉炒多碟紹菜~~~
搞掂~~~
