天寒地凍飲碗湯

天寒地凍，飲啖暖笠笠嘅湯水，真係由胃暖至全身。

好鐘意凍冰冰的感覺。

所以下晝先係屋企煲定啖湯，電飯煲煮落煲飯，然後就出街轉下，感受下冬季的感覺，等強哥收工，再湊埋佢一起返屋企，安排得好好。

我唯一比較鐘意飲嘅湯水大約就係蓮藕湯。

所以無意外嘅，又煲蓮藕湯。

花生先出出水，咁煲好嘅花生唔會變黑。

骨頭又出出水。

所有材料簡單如下：

「蓮藕、骨頭、花生、魷魚」

全部材料掉入去煲二個小時即可。

行完街返嚟，開火煲返滾再落鹽，即刻有暖笠笠屋企湯水飲~~~

天凍唔想炒餸，返嚟之前斬半邊燒鴨返嚟。

想食熱辣辣嘅肉，將肉同醬汁轉過耐高溫碟。直接擺上爐頭，開細火。

焗返熱佢，開得飯啦~~~

返到屋企，十分鐘之內，開得飯啦~~~

飲完碗湯~~

食只大鴨脾先~~~

正~~