豉油雞汁西蘭花+豉油雞

前幾日晏晝

整返熱之前一晚飲凈嘅湯，少少剩飯加臘腸炒飯，蒸幾個阿媽整嘅綠豆五花腩粽

好豐富的一個晏晝~~~

夜晚，隔夜豉油雞，將汁倒返入去，再加清水，煮返熱佢。

加埋幾個烚蛋~

好似新鮮整好嘅一樣好味~~

一餐食唔哂嘅雞，只要唔斬開，第二日再成半邊加返熱再斬件，就會好似新鮮一樣咁好味㗎啦。。。

我懶到咧，留返少少雞汁，然後就咁倒入西蘭花，加蓋煮熟。

乜調料都無需，豉油雞汁已經好惹味~~

又爽又香嘅豉油雞汁西蘭花，無難度~~