牛腩、牛腱、蘿蔔

不記得是早前哪一天的晚餐了。

周末提前做了個香菇燜雞，周一周二的晚上下班回來，再加熱了就可以開飯。

做法以前寫過很多，可以搜搜。




買了個佛手瓜，經擺嘛，放在雪櫃里，哪天回來沒菜的時候，切切炒炒就可以了。

切成絲絲，和柱候汁一起炒。

極香，極甜，極簡單。

通常同一周二的晚餐會吃周末預先煮好的肉菜，周三的時候，就只能簡單地蒸個肉餅或是排骨，又快又簡單。

周四可以吃炒飯，周五吃炒粉炒面，哈哈哈，幾好的安排~~~

這日，梅菜蒸肉餅。



炒多個小棠菜苗。。。

搞掂~~

上周阿媽係度嘅時候，做佐蘿蔔燜牛腩，阿媽特別鐘意食的一道餸。

也是超簡單的做法。

牛腩不切粒，大塊地扔進水里，先汆一汆水備用。




另外準備幾片薑，一片香葉（可放可不放），一粒八角。

落少少油，爆香薑片。

 

倒入牛腩，香葉八角，略略炒炒。

落水，落柱候腩汁。

唔好一次落得太多腩汁，因為煮好收汁之後味道會出返嚟稍咸，所以落醬汁嘅時候，可以試一試味，感覺得到有咸味甜味就可以。

提早一晚燜好牛腩，燜一個鐘左右，唔開蓋焗多半個鐘，裝起擺返入雪櫃。





第二日，切一條蘿蔔掉入去，整多條牛腱，又掉入去，一齊燜多半個鐘。

我上一篇提到嘅牛肉麵，就係下圖依一條。牛肉面湯，就係依依個醬汁開出嚟嘅。

幾簡單，煮一次可以有多幾款食物。



一家大細人人都鐘意嘅柱候蘿蔔燜牛腩。




蒜蓉煮多個南瓜

開飯~~

牛肉與麵

朝早阿媽見無咩事，就先返佐屋企，夜晚又凈返我同強哥二個人食飯。

今晚收工返到屋企稍遲佐啲，唔多想食飯，突然好想食面。

雪櫃總有一舊之前燜牛腩時一齊燜熟嘅牛肉，取出切片，整返個涼拌牛肉。

阿媽凈係食意大利黑醋，其實味道食起嚟，我就覺得同鎮江醋真係差不多~~

香港可以選擇得到嘅陳醋品種不多，係惠X買嘅依款陳醋，平平哋，味道其實又幾好㗎，愛嚟整嘢食，我覺得OK嘅~~

出街食北方風味嘅話，涼拌牛肉必點，食得多，對於味道都有一定理解，返嚟自己整，其實都八不離十，好接近。

「陳醋、香麻油、麻辣醬、生抽、砂糖、蒜蓉、荽莤」

攪好嘅醬汁同切佐片嘅牛肉撈勻即成~~~

簡單到不得了。

食嘅時候，淋少少花生碎，香噴噴，酸酸辣辣，加埋牛肉本身嘅香味，咁樣一味涼拌牛肉，比之街外，絕不遜色~~~

同上述涼拌汁一樣，只不過係將牛肉換轉為海帶絲，一樣涼拌之。

海帶常食有益㗎，因為海帶可以清理體內嘅有害物質，係好好嘅食物。

我係街市買干嘅海帶自己浸水發好再切絲，好易。

同強哥幾似北方人嘅口味，耐唔耐就會想食下面食。

今晚煮佐一包寬面，好有麵粉香味，食起上嚟唔會太淋，幾好㗎~~

強哥鐘意食湯面，咁就用佐煮牛肉凈抵嘅醬汁煮佐個牛肉湯頭。

俾少少蔥花入去，一端出嚟，強哥即刻嘩一聲「好似日本街頭果種大排檔嘅牛肉面咁嘅款」

試一啖湯頭「嘩，勁似街食牛肉面咁喎」

哈哈哈，第時開間牛肉面店好嘛~~

我就鐘意食干面

「陳醋、生抽、糖、花生醬、香麻油」搞好個醬汁，然後將煮好嘅麵倒入去撈勻即成。


簡單地一碗素面，已經超好味。

唔知點解，牛肉真係好搭面，一啖面一啖牛肉，正到不得了~~~~

菜、肉、魚、湯

人老了都會變成小孩子了吧？

媽媽近來一直感覺不舒服，可是又不肯看醫生。怎麼說都不肯去看醫生。

好說歹說，叫我想出一個曲線勸降的法子來。

和媽媽商量著說，下個月和強哥帶她去旅遊，還有一個月的時間，讓她把身子調養好了，身體棒棒地去游玩。

媽媽一聽樂了，再勸多幾次，終於同意看醫生。

約好醫生，給媽媽作了個全身的檢查，報告還要過幾天才出來。

在這里要嚴重的表揚一下「強哥愛婿」，預約醫生，陪著媽媽去做檢查，到時再陪媽媽去醫生處聽報告，全由強哥一應承擔，因為我上班的時間比較固定，而強哥的工作時間就較為彈性，所以媽媽看醫生的事情，也就只能是由強哥去幫忙，在這里，一定要強烈地表揚一下強哥為人女婿的這份孝心，謝謝你尼我的愛郎。。。

說起來好笑，當年強哥第一次，是第一次哦，見到母親的時候，也不叫一聲伯母，直接就叫起「媽媽」來，我雖然也覺得有點奇怪，因為那個時候好像也沒太明確地確定和他的關係，不過看他叫得這麼開心，也就不去糾正了，想不到，這一叫，就叫了這許多年。。。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

這幾天媽媽都會在我這兒住，真好，每天回家都能看到媽媽。

媽媽血壓高不太舒服，所以不想媽媽累著，就讓媽媽等我下班回家了再開始做飯，也讓我享受一下做飯給媽媽吃的感覺吧。

涼拌三絲，提胃口的，而且我發現，吃海帶後，第二天的便便都特別地順暢。好吶~~

媽媽第一次吃我做的拌三絲，直說好吃，和在外頭吃的味道一樣的呢。。。呵~~

看到超市里有三文魚腩賣，沒吃過，試著用少量鹽醃了，直接煎熟。

香是真香吶，不過，魚腩好多油，只此一次，下次不會再賣來吃了，太膩人了。

煮多個豆腐~~

煮個蓮藕湯。

媽媽說教我煲湯煲得濃濃白白的，骨頭先在鍋里煎一煎，然後衝入滾水煮開，再轉進瓦鍋里慢火炖煮，那樣煲出來的湯又白又濃又好喝。

可惜，時間關係，我是用高壓鍋煮的，煮出來的湯雖然也很清甜，可惜沒有媽媽說的白白的效果。

不過蓮藕湯還是很好喝的。。。。





全家福~~

今晚，吃媽媽自己做的酸菜，酸菜炒肉片，媽媽牌的酸菜，就是好吃。。。

好吃好好吃~~~

媽媽喜歡吃魚，買了條倉魚，蒜蓉檸檬蒸倉魚，好滑好嫩好香好開胃~~~

炒多碟菜~~~

加埋隔夜湯，一家人，齊，食飯~~~

飯後整籠饅頭做第朝早餐。

整饅頭真係易過乜，三幾下蒸好，因為蒸完魚個鑊內嘅水總暖，用暖水瓊住啲麵團，好快就發起，再係咁易，搓下捏下，蒸幾下，一籠就搞掂。

阿媽睇到新鮮蒸好出籠嘅饅頭，忍唔住叫我俾佢試少少，哈哈，阿媽贊我整得比佢整總要靚啊，超有成就感~~~

南瓜、玫瑰、饅頭、包子

送你一朵花，一朵玫瑰花，一朵可以食得嘅玫瑰花，一朵南瓜做成可以食得嘅玫瑰花。

靚，美味，純天然，無添加。



金色的美麗，絕非添加劑所造。

好簡單，來自金燦燦的南瓜所為。

煮飯的時間，順手蒸埋一舊仔的南瓜。

又綿又香又清甜。

好綿的南瓜，輕輕壓幾下就已經融開，加入麵粉，麵粉嘅份量我都唔知道，因為要視乎南瓜嘅份量同含水量去決定，所以一邊落麵粉，一邊搓，搓到干身成一團為止。

乾依士更加係好隨意地份量，一細細細茶匙的份量，感覺上足夠就得啦。

南瓜本身含水量極高，所以無需額外俾水，而且所需嘅南瓜份量好少，一個手掌大細的南瓜已足夠整一籠嘅包包。


搓好的麵團，放於稍暖嘅爐頭上發酵一個至二個鐘時間。

搓好麵團，落街飲杯啡，上返嚟嘅時候，已經發得好靚啦。 。。。

發好的麵團，開始整包。

整包的方式過往講過，就唔多講。

依次，主要教大家，整朵玫瑰花。

切五粒細粒嘅麵團，好細粒就得啦，下圖右邊嘅大份麵團，係正常整個包嘅份量，而整玫瑰花，所用份量明顯少好多。

將五粒麵團，搓成餃子皮咁大細一塊。

搓好的皮，灑少少乾粉喺面。

然後一層層疊上去。又唔係完全重疊，如下圖所示，要留返少少位。

然後取一條筷子，係中間位，壓出一條痕。

另取一條麵團，搓成長條形，做花芯。

花芯擺係最底嘅位置。

然後從花芯開始，向上卷起。

麵團嘅彈性與柔軟性，可以好輕易卷起而不會散開。

然後用刀，從中間切開成兩塊。

依個時候，玫瑰花的雛形已開始顯現。

用手稍稍幫忙，向外輕輕將花朵拉開，咁樣就整好玫瑰花的造型了。

其實主要都係整肉包，鮮肉大包，南瓜鮮肉大包。

整做一盒仔餡，香蔥肉餡。

做法就不多講啦，實在好平常。

話咁易，就整好一籠。

蒸個十分鐘，又靚又鬆軟地大包就整好了。

小朋友對於如此美麗的玫瑰花南瓜饅頭，一定毫無抗拒的能力，整俾家中小朋友，又健康又美味，各位媽咪，開工喇~~~

我就整俾我強哥，送朵食得嘅花，鐘意嘛~~~