小菲菲俠自煮樂

23 8月, 2013

大個仔

信丞仔,大個仔,著鞋仔.


不過鐘意咬,多過鐘意著.



21 8月, 2013

返嬤嬤度食飯

由屋企出門口,先去佐敦買個芝士蛋糕.

丞幾有安全意識,全程握實實果條鐵.

無人教佢架,佢自己覺得咁樣有安全感瓜.






15 8月, 2013

丞八個月喇

尋日無端多出一日假,閒來無事,心血來潮,同強哥夾手夾腳,幫丞剪頭髮.

三個月的時候剪過一次,六個月又剪多一次,依家八個月,頭發已過耳,所以又剪多次.

飛發的手勢並無進步,雞手鴨腳亂剪一通,好彩丞超配合,乖乖俾媽咪舞.

過多兩個月丞能夠自己座穩,再將依件事交俾專業人士完成,唔洗媽咪剪得提心掉膽~~~


剪好之後將新髮型傳到屋企人的群組度,家人一致裁定"勁醜樣"

聞之勁沮喪~~~~






03 8月, 2013

簡單兩味

因為經常爬行的關係,丞的手臂超有力,所以佢好識得利用雙手的力量,幫自己做到好多動作.

依家唔肯自己乖乖係high chair度玩喇,我稍稍行開一二分鐘的時間,佢夠膽自己由趴住再慢慢滑落地上,總要識得用手捉實實兩邊扶手,腳先落地,企穩佐先慢慢座係地下,然後一翻身就可以係地上通屋爬行,試過一二次之後,佢唔會呯一聲直接跌落地上架,佢知會痛,所以係慢動作去完成.

我覺得係咁細個小朋友,雖然未識得好好同大人做雙向的溝通,但我觀察發現,其實佢自己的單向世界,一樣咁精彩.