煲啖冬瓜湯

丞越大就越難掌控,而且好明顯佢係一個食軟唔食硬嘅人,如果用強硬的語氣,凝重的表情去要求佢完成某個要求,佢未必聽得明你嘅說話,但一定好識去感受氣氛中的意味而做出更強硬的反對行為,依個階段，做父母嘅既要尊重佢獨立個性的發展又要俾到適當地引導，針對丞的個性，大多數時候,唯有以柔制剛,剛柔並濟地與丞鬥智鬥勇。

老積丞，媽媽知道你知道架，生性啲喇！

尋日丞食冬瓜牛肉燴烏冬

食到好味嘅食物，丞就係下圖依個標準表情，咀咀配合地發出「哼哼哈哈」的聲音~

好似依個食物，真係不可置信地好味，要用誇張的表情與聲調去強調「好好味啊！」

一啖接一啖，睇到都覺得，真係咁好味？

冬瓜，豬骨，茨實，意米，果皮，煲佐啖湯飲。

煲啲時令的湯水，飲落真係好舒服~~

少少有凈的西蘭花，涼拌

想食冬菇，同幾隻雞亦燜成一碟，冬菇最好味~~

丞似乎好鐘意冬瓜？飲佐啖湯，即刻開心到拍手掌~~~

丞有爹爹的遺傳，乜都話好味，在飲食一事上，易湊！

飲到幾滋味~~連湯渣都無放過~~~

飯後一家人熄佐電視，係房親子樂。

好相信對於一個幼童來講，無論幾豐富的物質給予，永遠都不及父母用心的陪伴與玩樂來得重要。

我係好相信一個家庭健康的氣氛對於小朋友長成後的個性有絕對正面的影響，我自己屋企自細就係好簡單好溫暖好多愛的家庭，所以直至今日我都依然相信世間的美好存在，依種正面的心理狀況未必會俾到我豐盈的物質生活，但一定可以帶俾我同我身邊人一份好快樂的生活氛圍。

牛肉飯糰

某日婆婆來探個孫，咁中午就同婆婆係出邊食飯。

丞唔俾人餵，但就經常食到天一半地一半，咁去街食飯，媽媽多數準備手手可以拎住食嘅食物。

依次整飯糰仔帶出街食。

牛肉飯糰。

牛肉用生粉同少少鹽醃好味，煮熟後，撈少少芝士

將煮好的淋飯倒入牛肉度，撈勻

取適量飯

扭幾下就扭實個飯糰

剪少少壽司紫菜，包住個飯糰

搞掂

人仔食得幾開心~~

大大啖~~

唔洗人招呼，媽咪同婆婆開心食餐飯，丞自己搞掂自己餐飯~~

一舊接一舊，出街食飯無難度~

辣椒膏煮牛尾

買佐盒牛尾，本打算煲蕃茄薯仔湯嘅，亞仔至愛依款湯水，不過拖下拖下又無整到，再擺就變味喇，雪櫃有婆婆整俾媽咪嘅辣椒膏，一於用辣椒膏煮牛尾。

牛尾先煎至表面金黃，猛火煎幾下就OK。

辣椒膏係用大紅椒同蔥頭整，未算太辣，取其色同椒香味。

剁碎的辣椒同蔥頭一比一的比例，攪略碎，又唔可以太碎，要保持返個粗粒口感。。

用油炒香，一次整多啲，擺入雪櫃可能慢慢煮餸用，只要油炒熟透，擺三兩個月不成問題。

煮牛尾，取一大匙辣椒膏，加入一大匙黃薑粉，幾大匙椰絲，半個青檸汁，落鹽同糖俾味，加水煮至牛尾淋軟。

煮至剛剛好收汁，略略濕，等醬汁剛剛好掛係牛尾之上，食得~~

一味餸，開飯~

簡單兩味

丞依日嘅餸係青瓜甘筍牛肉飯

左右手齊開餐

食完左手食右手

食食下突然放低匙梗，媽媽因為托住個腮睇仔仔食飯，仔仔又學下媽媽，托住個腮，望返媽媽~~~

好好味咧，越食越開心~~

留返粒，今晚宵夜好嗎~~

屋企有乜就煮乜俾小朋友，有肉有菜就足夠，大人食嘅亦唔困難煮，一樣有肉有菜就足夠，味道稍濃郁些好開胃~

煮碟涼瓜排骨。

先用油爆香三粒蒜二片薑，然後倒入排骨炒至斷生，加入一大匙豆瓣醬，少少生抽同黑糖，炒到醬香味走出嚟，就可以加水燜熟，我燜大約十分鐘。

用佐依款阿X屋買嘅辣豆醬，煮餸都幾香~~

排骨煮熟就可以落涼瓜~~

再燜多十分鐘即可~~~

燜火後唔揭蓋焗多十分鐘，啲餸全部淋哂入哂味~~~

剛剛好收哂汁，好味~~

我會提早煮，轉到細煲仔，夜晚食時再加返熱，好似隔夜餸咁，好正~~

炒多碟豆角~~

依個季節，係食依類瓜瓜豆豆最正喇~~

簡單兩味

姨媽最近放大假，又係屋企附近學野，落佐堂多數就會過嚟屋企痴餐，順便幫手同佢心愛的丞BB衝涼。

媽咪樂得悠閒，煮返兩味俾衝完涼就大叫腰骨酸嘅姨媽。

前兩日空氣濕度去到100%，咁就煲款去濕湯水大家飲下。

丞食凈的彩椒炒埋一碟仔媽媽食

蒜蓉炒碟菜

整碟檸檬鴨腿食下~

丞B就食甘筍豆腐肉碎飯~

食粥

上星期都總係凍凍哋，丞總要著件背心。

強哥講起奶奶以前煲咸骨粥好掛念~

咁我就煲粥，咸骨蠔豉花生粥，聚火~~

若是牙齦痛連續煲兩三日依款粥水，包保消除牙肉腫痛~~~

整個涼拌牛肉

丞平時食嘅餸我都另外搵個煲仔煮，少油少鹽多菜少肉細細一碟好易

一細碗仔飯，一細碟餸，彩椒肉碎飯