今晚收工返到屋企稍遲佐啲,唔多想食飯,突然好想食面。
雪櫃總有一舊之前燜牛腩時一齊燜熟嘅牛肉,取出切片,整返個涼拌牛肉。
阿媽凈係食意大利黑醋,其實味道食起嚟,我就覺得同鎮江醋真係差不多~~
香港可以選擇得到嘅陳醋品種不多,係惠X買嘅依款陳醋,平平哋,味道其實又幾好㗎,愛嚟整嘢食,我覺得OK嘅~~
出街食北方風味嘅話,涼拌牛肉必點,食得多,對於味道都有一定理解,返嚟自己整,其實都八不離十,好接近。
「陳醋、香麻油、麻辣醬、生抽、砂糖、蒜蓉、荽莤」
攪好嘅醬汁同切佐片嘅牛肉撈勻即成~~~
簡單到不得了。
食嘅時候,淋少少花生碎,香噴噴,酸酸辣辣,加埋牛肉本身嘅香味,咁樣一味涼拌牛肉,比之街外,絕不遜色~~~
同上述涼拌汁一樣,只不過係將牛肉換轉為海帶絲,一樣涼拌之。
海帶常食有益㗎,因為海帶可以清理體內嘅有害物質,係好好嘅食物。
我係街市買干嘅海帶自己浸水發好再切絲,好易。
同強哥幾似北方人嘅口味,耐唔耐就會想食下面食。
今晚煮佐一包寬面,好有麵粉香味,食起上嚟唔會太淋,幾好㗎~~
強哥鐘意食湯面,咁就用佐煮牛肉凈抵嘅醬汁煮佐個牛肉湯頭。
俾少少蔥花入去,一端出嚟,強哥即刻嘩一聲「好似日本街頭果種大排檔嘅牛肉面咁嘅款」
試一啖湯頭「嘩,勁似街食牛肉面咁喎」
哈哈哈,第時開間牛肉面店好嘛~~
我就鐘意食干面
「陳醋、生抽、糖、花生醬、香麻油」搞好個醬汁,然後將煮好嘅麵倒入去撈勻即成。
簡單地一碗素面,已經超好味。
唔知點解,牛肉真係好搭面,一啖面一啖牛肉,正到不得了~~~~
簡單得嚟好有情趣呀
回覆刪除[版主回覆02/26/2012 23:08:26]哈哈,幾啦~~
請教一下,海帶浸開後,要煮嗎?要的話,如何處理?
回覆刪除[版主回覆02/26/2012 23:08:16]要煮過的,浸開之後,如果可以,擺入雞湯里邊煮大約五六分鐘左右就可以啦,唔用雞湯,清水都可以,不過用雞湯煮過會鮮美好多。
我覺得你煮野食真係好叻呀!!!
回覆刪除等我偷下師先~
[版主回覆02/26/2012 23:06:27]好多高難度嘅總未識,一路煮一路學,大家一齊努力啊·
妳煮野咁勁, 強哥飛唔出妳既五指山了!
回覆刪除[版主回覆02/26/2012 23:05:48]哈哈哈,佢真係要飛,煮得再叻都無用㗎~~
強哥有口福, 有位識得入之太座, 我老伴就只有食西北風, 哈哈...
回覆刪除[為食媽咪回覆02/27/2012 11:31:08]咁您就誤會深矣. 我老伴之太座, 即本媽媽, 自幼離家上山學藝, 一直唔入廚房, 到而家至學人得閒入一兩次廚房, 所以, 老伴是我的老白鼠而已. 好彩佢又唔揀食, 好唔好食都肯同我啃哂佢, 所以, 我就肆無忌憚, 在廚房亂舞都敢死嘞, ha ha
[版主回覆02/26/2012 23:05:16]哈哈,有個為食嘅媽咪,又點會虧待佐個先生咧~~
我都鐘意鹵定D牛展放係雪櫃,咁就隨時有得食啦!
回覆刪除[版主回覆02/26/2012 23:04:41]果然英雄所見略同~~
我都好鍾意食麵咖!
回覆刪除[版主回覆02/26/2012 23:04:23]麵食幾時都食得落,唔怕無胃口~~
請問牛展是在牛肉檔買,還是涷肉店?
回覆刪除鹵了的牛展要放在冰格嗎?可存放多久?
謝謝指教!!
[uik回覆02/27/2012 08:41:25]等我都試試先~~謝謝你!!
[版主回覆02/26/2012 23:03:56]凍肉舖買嘅,都一樣好好味㗎,而且總易淋。
鹵好的牛腱擺在雪櫃中間,最好係三五日之內食完。
陳醋、生抽、糖、花生醬、香麻油」搞好個醬汁,加入素麺、好主意! 明日試!謝謝!!
回覆刪除[版主回覆02/26/2012 23:02:42]唔洗客氣~~
菲菲,請問蒸包布買依塊好
回覆刪除http://item.taobao.com/item.htm?id=12385117355
定下面呢塊好?
http://item.taobao.com/item.htm?id=3035283875
第一塊D窿好似大得滯............
我今日都蒸左饅頭,但是,依然係皺皮啊~
[Tess回覆03/02/2012 22:45:00]我知啊,我都係學你用黎包蓋,呢間貪佢夠大夠包~
[版主回覆02/26/2012 23:02:12]我自己就用緊大窿果款,不過我覺得細窿果款都好好喎,我自己都想買添。
我果塊布係包係鑊蓋喎,等個倒汗水唔會滴到包面度,唔係店係包底嘅。
真係認唔住要讚你,好叻女呀^^
回覆刪除請問D牛展要唔要再整熱架!滷完放入雪櫃,隨時可以攞出嚟食架喇!
回覆刪除[版主回覆03/15/2012 15:15:42]我就無再加熱,撈好材料就咁凍食~
好叻女呀^^
回覆刪除我都買咗排乾海帶,1路唔識處理未整,請教係唔係用水浸軟就得?要浸幾耐呢?浸好要唔要煮下先切絲㗎?
回覆刪除[版主回覆03/17/2012 10:46:32]直接用清水浸軟就得,浸嘅時間唔一定,你睇到海帶完全發大變軟就可以,不過大致上半個小時已足夠。我通常會切好絲再煮,咁樣會入味啲,煮嘅水如果落啲雞湯或者雞粉入去,煮出嚟嘅海帶會好味啲。
請問你的麻辣醬是什麼牌子同係邊買架?
回覆刪除好耐無上yahoo blog, 你的blog依然咁正, 身體好返晒啦?
回覆刪除個麵係咪牌子呀?