今晚食得好清㗎，冬菇蠔油炒小棠菜苗，清甜到咧。。。。
第一次喺返嚟路經嘅果個細街市買豆腐，啊又真係非常唔錯喎，自家製作嘅豆腐，買到返屋企，磚豆腐總熱㗎，而且最緊要係佢豆味極濃，似細個時食嘅豆腐味道，一大舊都係三個半銀紙，咁就煮到一碟出嚟啦，幾抵食啊。
煮緊嘅時候，強哥入廚房一聞到即刻話「麻婆豆腐」？
真係叻仔，又滑又香嘅麻婆豆腐，極之好餸飯~~
下次繼續去幫襯買佢家嘅豆腐，真係好掂~~
個天真係搞嘢，突然又會凍成咁都得嘅，有無理會過我感受啊，真係離譜~~
哼，滾返個湯，暖下個胃先~~
雪櫃凈返一個佛手瓜，再唔煮就要變壞，所以就求其，落一塊薑，幾條蝦乾，一個瓜，少少瘦肉，咁就滾起一啖好鮮甜嘅湯水。
比預期總要好飲，正~~
清清哋，有菜有豆腐總有瓜湯，好美味，好滿足~~
哼，滾返個湯，暖下個胃先~~
雪櫃凈返一個佛手瓜，再唔煮就要變壞，所以就求其，落一塊薑，幾條蝦乾，一個瓜，少少瘦肉，咁就滾起一啖好鮮甜嘅湯水。
比預期總要好飲，正~~
清清哋，有菜有豆腐總有瓜湯，好美味，好滿足~~
今次雖然齋齋地!不過我中意!
回覆刪除我又第一啦!敏敏.
[版主回覆02/09/2012 20:15:54]哈，第一無獎嘅！~
我個雪櫃都有個佛手瓜,但我冇蝦干~
回覆刪除[版主回覆02/09/2012 20:15:41]無蝦干都可以嘅，不過如果加埋蝦干，啖湯真係會鮮甜好多。。。
真係快靚正
回覆刪除[版主回覆02/09/2012 20:15:04]絕對有速度~~
麻婆豆腐, 正啊!! 個滾湯都好好飲咁wor, 我下次又要試下先~~
回覆刪除[版主回覆02/09/2012 20:14:52]滾湯又易又好味~~
麻婆豆腐啊~麻婆豆腐啊~@@我好鍾意啊!佢會搞到我勁食飯咖!!!
回覆刪除[Shirley k回覆02/10/2012 09:06:03]咁當然啦!幾時都係住家飯好味d啦!
[版主回覆02/09/2012 20:14:36]哈哈，咁得閒自己又整返碟啦，好味過出街食！！
清清淡淡 , 但富營養呢
回覆刪除[版主回覆02/09/2012 20:14:13]豆腐好高鈣質，唔錯嘅~
多菜少肉，唔錯啊!
回覆刪除[版主回覆02/09/2012 20:13:45]節後清清哋，清下個腸胃，唔錯㗎！！