韭菜鍋貼+韭菜豬肉餃

天寒地凍，一碗熱辣辣嘅餃子，絕對係慰藉心靈的最佳良伴。

包了三碟，一碟韭菜餡，一碟韭菜鍋貼，一碟白菜豬肉餃。

一次吃不完，將剩下的生餃子入冰格冰起來，隨時想吃就可以取出即煮。

下次要多做一些入冰格，以備不時之需。

煎鍋貼，係強哥至愛。

因為用煎的方式，所以包的餡無需太多，只捏緊中間部份，皮嘅兩邊漏空。

這樣包的方式，可以更容易令到煎餃熟透。

煎的方法：

1、先擺少少油，然後鍋貼整齊擺入，開大火煎至底部金黃。

2、然後落少少水煮，務求熟透。

3、蓋上蓋，煮三分鐘左右。

4、三分鐘之後，揭蓋，大火煮至水乾，底香脆即可。

三幾下，大功告成~~

煎到脆卜卜，無比好味~~~

香脆外皮，加埋惹味韭菜餡，一極棒~~

食緊煎鍋貼嘅同時，同一個煲，落水，水滾後放餃子，煮至滾起再落凍水，如是重複二次，最後再滾起，可撈起食。。。

咁樣加凍水煮餃子，可以令到餃子皮好爽滑，一啲唔會綿塌塌。

趁熱，起筷~~

 

餃子餡嘅做法我以前寫過太多，就唔重複，有興趣可站內搜索。