香蕉薄餅

每次買香蕉，總會有凈一兩條熟透無人食。

依日無乜小食俾個小朋友，見條蕉咁熟無人吼，咁就一於整返個小食俾小朋友。

香蕉壓蓉，打入一個蛋，搞掂個漿喇，就咁簡單~~~

然後用平底鑊，煎成一片片。

我煎成細細一塊，易煎啲，一條蕉一個蛋，已經可以煎成五塊。

因為香蕉糖份較高，好易煎到黑麻麻。

所以要用細火慢慢煎。

麵粉都無需要，材料又易搵到，做法更簡單。

三幾下手勢就整好一款小食。

切開嚟睇下，軟綿綿，香甜可口。

但凡圓形，個小朋友都一定會~~~~~

真係吹佢唔脹~~~