陪老爺奶奶飲茶

 

我今年真係無乜過年嘅感覺。係尋晚先至求其去買佐幾幅年畫，門口痴開年年都換過新嘅。

大掃除都係有下無下咁，得閒就抹下，無刻意去大清潔，被舖床單都係等年二十八先至換過新嘅。

今年無乜心機整應節食品，就算係過年嘅糖果瓜子，都係平日買開擺係零食櫃有十幾二十款，隨便攞出嚟都夠曬似樣做節，所以都無刻意去買咩應節食物，係四弟嘅老婆去買過年嘢，順便買佐包開心果俾我，如果唔係，求鬼其其都算啦。。。。反正都係我去長輩度拜年，我都無打算請人返嚟屋企做節。

~~~~~~~~~~~~~~~~~~~~

一早奶奶就俾電話我，話佢蒸好佐蘿蔔糕芋頭糕年糕！~~~

哈哈，始終屋企有長輩的人都係幸福的。

咁就過去攞糕，順便同佢啲飲下茶，我好耐都無同佢啲去飲過茶囉。

飲茶時同奶奶話我今年好似對過年無乜Mood，咩都唔想整。

不過奶奶就交待我，要買返對煎堆返嚟扎年，都唔知點解。

我覺得老爺同奶奶都好錫我，可能係因為我比較親佢哋瓜，老爺奶奶恨有個女恨佐成世，但係生佐四個全部係仔，而我又係第一個入門嘅新抱，可能係咁，佢地特別錫我呱。

今日去飲茶，啲阿姐個個話「個女陪你啲飲茶咁乖啊」

老爺即刻好開心咁話「係啊係啊」

我好鐘意扮「嫩口」㗎，哈哈哈，話我係女咪幾好，多兩位老人家錫我，有賺啦~~

最近拉直佐頭發，當堂個樣乖佐後生佐，岩曬我鐘意扮乖女嘅要求啦，哈哈哈~~~

 

 

我嘅新年願望係「身體健康，永葆青春，世界和平，家庭幸福」