一PAN走天下之早餐篇（食譜）

整早餐我多數選擇用一隻煎PAN搞掂。

因為比較容易清洗，而且存取方便，最主要，一隻煎PAN，已滿足一個早餐「煎煮炖焗」嘅所有要求。

比起焗爐要慢慢預熱再慢慢焗熟嘅效果，一隻煎PAN無疑係方便與快捷無數倍。

講下其中兩款早餐嘅煎PAN使用法。

腸仔係早餐最常見嘅食物，因為用嘅腸仔較大條，如果就咁煎，要用好長時間先煎得熟內邊，而且控制得唔好，外皮已經熟到乾身，內邊都未夠熱，咁就NO GOOD啦。

所以，我會先落少少水，腸仔介幾開幾個痕等佢唔會爆皮，開中火，蓋埋蓋，水煮3到5分鐘左右至熟。

然後落幾滴油，煎香個腸仔表皮，同時擺熱狗包入去，中慢火煎熱煎脆個底部，一分鐘嘅事。

蓋上蓋，熄細火，焗一分鐘，等面包里邊有少少蒸氣而變得鬆軟。

我鐘意惹味啲嘅熱狗，所以擺少少XO醬係底，然後舖腸仔，再擠茄汁或奇妙醬。

衝埋杯咖啡，全程都唔洗十分鐘，就即刻有得一個靚絕早餐嚟食啦。。。。

而且所有嘢都熱辣辣，香噴噴，鬆軟軟，效果，認真一流~~

整漢堡包都一樣。

先煮熟需時最長嘅腸仔，然後落漢堡扒煎熱，加熱面包，最後煎個蛋。

漢堡扒煎熱後會走好多油出嚟，所以唔洗額外俾油煎香腸仔啦。

兩人份早餐~~~

正~~~

天氣太熱，煮煲綠豆沙，清下火~~

好鐘意食蓮子，用嘅係上等嘅湘蓮，粒粒咁出色。。。。

選蓮子，有啲蓮子好似好白凈好靚咁，其實可能用佐雙氧水漂白及去衣，所以最好嘅蓮子，應該保持外皮嘅紅衣，食用之前用熱水浸一浸就可以洗去大部份外衣，穩陣好多。

煮到綿綿嘅蓮子，超鐘意。。。。

同強哥好似小朋友咁，座係地下食，一人一碗~~~

開心~~