餐肉燜薯仔

薯仔燜餐肉。。。。

依味餸係奶奶發明嘅，強哥自細食到大，鬼咁鐘意。

奶奶嘅餸，耐唔耐我都要煮返啲俾強哥食下。

依日買佐一個超大薯仔，一個都斤幾重啊。。。。

真誇張。。。。

一餐一個薯仔，大把食啦。。。

依餐食完無幾耐，電視新聞就出嚟話依個牌子嘅餐肉有水銀添，死啦，唔知有無事添。。。。不過都過佐咁多日，應該都無乜事嘅。。。。

不過新聞效應，近排真係唔敢再食餐肉啦。。。。

做法都講下啦。

餐肉切粗條、薯仔切粗條、蒜蓉少少，蔥少少。

做法：

1，先將餐肉煎出香味。

2、然後爆香蒜蓉。

3、倒入薯仔慢火

4、倒入餐肉同炒

5、加水燜，落鹽同生抽俾味，最後起鑊之前，落一大扎蔥。

搞掂~~~

強哥鐘意食燜到極腍嘅薯仔，所以我會下午提早煮好依味餸，夜晚食之前加少少水再返燜一次，咁就好腍好腍啦。

好好送飯嘅一味餸~~~