晏晝都係粥粉面依類嘢多啦,比較容易入口。
今日晏晝,食炒米粉。
鐘意乜就落乜。
先煎好一個蛋皮,然後炒腸仔甘筍青椒等配菜。
一時唔記得阿媽提過,炒米粉唔好落鹽,一落鹽啲粉就碎哂。
配菜我落佐鹽啊。。。。
果不其然,炒好嘅米粉,碎佐少少。。。
不過勝在自己炒,少油,味道好。。。。
碎少少唔打緊~~~
上個星期六,唔知買乜餸好,咁就買佐隻清遠雞,整白切雞。
獨沽一味,一雞一蒸飯。
雞,最緊要趁新鮮食哂佢,隔餐就失去風味。。。。。
走地雞骨頭確係硬,依次斬雞斬到亂七八糟,無所謂啦,倆公婆食。。。。
尋晚果餐。
整佐無敵嘅鹵水甜肉。。。
叫甜肉,其實唔係甜嘅,只不過係咸中帶甜。
味道一流,比之叉燒嘅豐富味道,佢有濃濃,肉嘅香。
作法請參考以前寫過「大人細佬都鐘意食嘅甜肉食譜在此」
睇「娘娘」網友煮餸,醒起自己總有薯仔一個,即刻有樣學樣,又炒薯仔做一餐。。。
住家飯餸,無乜新意,最緊要屋企人鐘意~~
沒有留言:
張貼留言