係街市同個阿婆買佐幾個蕃茄,阿婆怕有八十幾歲啦,香港好多阿婆好大年紀都總要出嚟做嘢,睇到真係好不忍心,點解咁大年紀總要為生活奔波,佢屋企人咧,點解唔向有關部門尋求幫助咧?
蕃茄好新鮮好有蕃茄味,有少少酸味,覺得咁樣先似蕃茄。
浸熱水脫皮備用。
係奶奶度帶佐幾塊斑扒返嚟,天氣熱,都係整返嚟惹味餸出嚟好。
咁配合埋蕃茄,就整味蕃茄斑球了。
做法:
1、先將斑扒斬件,用酒、胡椒粉、豉油醃十分鐘入味。
2、生粉一碟,斑塊均勻地撲上粉
3、薄薄一層油,半煎炸方式炸至金黃
4、爆香薑同蒜
5、倒入蕃茄,再倒少少油炒出香味,再落喼汁、茄汁、豉油、糖,少少水煮至出味
6、將炸好嘅斑塊倒入翻炒幾下即可。
費事洗多個碟,原鑊上檯。
勁惹味,斑塊夠新鮮,食落好鮮甜,配埋蕃茄嘅甜酸味,一流。。。
雖樣衰衰,但真係好開胃好惹味`~
另外用蕃茄加埋脆肉瓜,少少豬肉,炒埋一大碟。。。
多餸少飯,開飯~~~
~~~~~~~~~~~~~~~~~~~~~~~~~~~~~~~~~~~~~~~~~~~
經常約埋強哥收工後係某一個地方見面,習慣上都會講「老地方見」
過佐成二年後某一日突然發覺,成日約會等待對方嘅地方,原來真係「老地方」~~~
大大個招牌係度寫住「老地方」,我倆個真係後知後覺~~~
好耐無賣咸魚食啦,其實我最鐘意係梅香咸魚,愛嚟蒸腩肉,送粥送飯,一流啊~~~
香港隨街可見嘅流動小販車。
不過原來唔會被食環處抄牌話佢通街做生意喎。
因為佢啲凈係響街上做推廣服務,而唔係存在銷售行為,所以係可以準許嘅喎。
不過如果你係個人上街擺賣,我諗絕對就無咁嘅優待啦,食環處喎,除佐蝦一般市井,對於大公司嘅商業行為,係可以有「特殊對待」嘅酌情權嘅。。。。
所以幾時都話,做生意,一於做大佢,咁就算係政府又點啊,都要低頭啦。。。
沒有留言:
張貼留言