係㗎，個標題無寫錯㗎，啤酒同串燒之餘，可以加埋老火湯㗎。
皆因屋企之中，一切皆可能~~~
最近天氣都係反覆得好交關，上個星期開暖氣，今個星期開風扇，不過喎，當我剛剛將厚被換轉成薄被，厚衫拎去洗衣舖，準備將春夏季嘅衫褲擺出嚟嘅時候，天氣預報話我知，下個星期天氣又將激降至十度左右~~~
玩嘢咩個天~~~
又凍又熱跟住又熱又凍，嚟緊嘅潮濕天氣睇嚟怕有排跟住，真係要勤力啲去做運動出身汗排一排濕氣先得啦。加埋夜晚瞓覺之前用熱水浸一浸腳，等血氣行得順暢啲先得~~~~如果唔係，個人好辛苦㗎~~~
咁都煲返個比較據聞比較去濕嘅湯水，赤小豆扁豆粉葛豬骨湯。
原本計劃係煲個湯，整返個個脆肉瓜炒肉片，咁就一餐嘅。
點知豬肉買得多佐啲，而且返嚟之前入佐惠康轉佐一圈，發現啲秋刀魚8.8蚊就有三條咁著數，即刻買佐包返嚟，咁返到屋企，諗諗下，不如，燒烤咧~~~
俾電話老公，問佢想唔想食燒烤，佢即刻拍曬手掌~~~
咁就叫佢收工返嚟之前，係佢公司附近間佳寶買佐磅雞亦返嚟，咁就夠料開工燒嘢啦`~~
~~~~~~~~~~~~~~~~~~~~~~~~~~~~~
睇下我嘅燒烤拼盤~~~
味道好正㗎~~~
四點幾先至醃個豬肉，真係買得幾多下，串都串佐十幾串，醃都係印尼風味「乾蔥頭、香茅、黃薑粉、椰薑、糖、豉油、生粉」
都醃佐三個幾鐘，都有少少入佐味嘅~~~
雞亦都無醃啊，直接上爐燒，係啊，如果無睇過我介紹過我嘅BBQ爐嘅，可點依個網址進入睇返：我嘅BBQ爐
燒得幾靚啊~~~
同強哥企住係廚房，捧住罐啤酒，邊燒邊食，幾寫意~~~
因為雞亦同豬肉串都無咁入味，所以準備另一個沙嗲醬，係印尼商店買嘅沙嗲羔開成嘅，好香㗎~~
燒好嘅豬肉串同雞亦再擦大量依個沙嗲醬伴食，一流~~~
強哥話，未試過我整嘅燒烤之前，一直覺得蜜汁雞亦已經好好味，依個再叫佢食返，簡直覺得蜜汁雞亦根本無辦法塞得落口`~~
如果政府准許露天車仔檔，我一定第一時間申請返一個牌，開返檔強嫂串燒~~~
嚟強嫂串燒，免費請食龜苓膏~~~
正~~
原本係愛嚟炒嘅脆肉瓜，變成佐燒`~~
得一條，早知預多條先得~~~
用坑紋個塊板去燒，又靚又好味`~~
燒好之前擦少少我整嘅甜豉油醬汁，已經又清甜又好味㗎啦，下次再燒要準備多啲脆肉瓜先得，真係超好味啊。
準備佐一個甜豉油醬汁去擦，就簡單地，「老抽生抽黑糖白蘭地花生油~~~」就搞掂啦`~
雞亦準備佐兩個味，一個係孜然味，另一個就係依款豉油味加沙嗲醬，超好味㗎~~
就係因為依幾條秋刀原，將本嚟嘅晚餐計劃完全返轉。
我就麻麻鐘意食魚嘅，不過鹽燒秋刀魚，強哥好鐘意~~
因為都幾大條下，所以燒佐兩條俾佢。
買返嘅秋刀魚，要去佐鰓同入邊嘅腸，再洗一洗就清潔好啦。
清潔好嘅秋刀魚，係個身度抹一層粗鹽，醃半個鐘左右。
個爐比較細，所以我就擺係下格，再斬成幾截仔咁燒，易燒好多`~~
秋刀魚係強哥燒嘅，佢好有心機，燒熟之後，再開大火，燒到個外皮脆一脆，食時，以檸檬伴食~~~
我無食，唔知味道，不過強哥就贊不絕口~~~
邊燒邊食，滋味無窮~~~
沒有留言:
張貼留言