食菜---素炒皇帝菜、煙肉炒豌豆苗

之前一晚食佐太多肉食，所以第二日，茹素~~

買佐一扎皇帝菜。

口感好爽脆，食落似同篙咁嘅味，好得意㗎。

通常街市係一扎扎咁賣，上個星期15蚊扎，尋日買，7蚊扎。

 

 

為食到佢最本原嘅味道，就簡單地用蒜蓉嚟炒。

依幾晚睇某個飲食節目，睇到佢煮餸，視蒜頭為大忌咁，偏又要先用蒜頭爆下個油，再撈起棄之。

其實蒜頭經油爆之後全無蒜味，而且大蒜係天然殺菌良物，同菜一起炒，經熱力一焗，添多一層風味，洗乜裝腔作勢地，將蒜頭爆完鑊之後，再將之撈起，咁憎食到蒜頭，不如索性連爆香嘅步驟都慳返啦。

咁嘅做法，正中某句歇後語所講：

「除褲放屁---多此一舉」

 

 

切兩塊煙肉，爆香蒜蓉，倒入豆苗，加雞湯，搞掂。

 

加埋隔夜粉葛湯，清清啲，原來凈食菜，幾舒服~~~