梅菜燜豬肉

表姐去杭州玩，帶佐當地嘅梅菜干返嚟俾我。

食過杭州菜，係有一味梅菜燜五花腩，燜得極干身，味道好香。。。

我唔識整酒樓嘅味道。所以就用佐自己嘅味道去調整。

配料有「薑絲、蒜蓉、干辣椒」

肉我就用佐豬大脾果個位，肉質好滑，而且無乜肥肉。

我就先出一出水，然後再落豉油用油炒一炒出香味。

跟住將肉盛起，原鑊爆香配料。

倒入梅菜炒出香味

將肉倒返入去，落少少糖中和個咸味，加水燜煮到腍身。

因為強哥鐘意有汁可以撈飯，所以水我落多少少。。。

梅菜本身好咸，所以無需再另外俾鹽，落佐生抽炒豬肉，已有一部份咸味。

燜到極腍嘅肉，加埋梅菜嘅香，真係好惹味，飯都扒多幾啖` `~

~~~~~~~~~~~~~~~~~~~~~~~~~~~~~~~~~~~~~~~~~~~

除佐加水燜，另一食法，係蒸。

同樣先爆香蒜蓉同薑。

然後倒入梅菜炒一炒出香味。

再將梅菜同排骨撈勻，俾啲酒同生抽糖調味。

然後上鑊蒸20分鐘。

普通好味，都係燜豬肉好味好多。。。

滾多一個芥菜咸蛋瘦肉湯。。。

簡簡單單又一餐~~