唔洗走油版魚香茄子（食譜）

近排嘅蘿蔔又甜又大大隻，最緊要係又夠平，咪時不時整下簡易蘿蔔糕嚟食。

蘿蔔糕嘅食譜舊年寫過，有興趣係我站內搵下啦。

依次整少少，一條蘿蔔咁多多，所以索性全部手切。

以往係用刨，不過相較之下覺得，手切嘅蘿蔔整出嚟嘅蘿蔔糕真係好味好多㗎。好食得到蘿蔔嘅口感同香味。

粉嘅比例我都無講究，求其落。。。。。

搵兩個盒仔裝好，蒸二十分鐘。。。

因為好細一盒，所以蒸嘅時間無需太耐，真係好易整。。。。

第二日早上，切一盒做早餐。。。。

煎香香。。。

粉嘅比例我真係好求其，估唔到又定型得幾好。。。。

多蘿蔔少粉，好食得到蘿蔔味。。。。

一個蘿蔔糕嘅早餐，好幸福~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

魚香茄子係街食，通常都會將茄子走油再煮，所以食落好多油，香就真係好香㗎。

不過自己屋企整的話，邊得咁多油去走油，所以我就用另一個方法去整，免走油。

先講下材料「茄子切條、咸魚切粒、蔥花適量、蒜與薑切蓉、醃好味嘅免治豬肉」

做法：

1、落少少油，將茄子擺入鑊，慢火焗熟。（我落佐一湯匙左右清水，等佢有少少水蒸氣）

蒸焗大約五六分鐘，睇下，基本上熟啦。。。

茄子已經變得好腍身。

2、然後將茄子另外裝起，原鑊落油，爆香蔥花以外嘅所有配料。

3、將茄子倒返入去，俾少少生抽俾味，少少水，等佢入味啲。

最後俾返少少回尾油，倒入蔥花，炒一炒，搞掂~~~

香噴噴，好惹味嘅魚香茄子。。。。

加埋一碗蕃茄雞蛋湯，好滿足~~