錯有錯著之「糯米飯天婦羅」 （上集）

凈有少少糯米，留著占地方，不如趁早消滅佢費事睇住佢變質~

強哥係炒臘味糯米飯的忠實擁躉，依家天氣涼涼哋，大量的臘味也開始上架，入定啲臘腸回來，正好做炒糯米飯。

直接加水用電飯鍋煮的糯米飯會過濕而讓糯米粒變得太軟，失去糯米本身的煙韌彈性，所以一般做糯米飯，最好是先將糯米浸泡於清水中一晚，第二天早上找個蒸盤，包個紗布，再將糯米鋪在紗布上，隔著水蒸熟，具體可以參考我以前寫過的作法“生炒臘味糯米飯做法”。

但係，失手啊~~~

落得水太多，蒸得糯米太腍，食起全無粒粒口感，非常失敗~~~

唯有加啲鹽、臘腸、炸蔥頭入去，將佢撈勻，變成飯團。

用手造型成一個個飯團，

但係就咁食，真係好膩~~~

唯有擺入雪櫃，再諗計消滅佢啲。

因為好痴，所以要用保鮮膜一個個分別包好。

瞓一覺起身，就有佐主意~~~~

炸糯米飯。

準備粉漿。

用佐炸天婦羅嘅粉漿去開~~

好簡單，一個蛋黃，幾湯匙麵粉，一碗仔清水。

將所有材料開稀待用。

然後將一個個糯米團，浸入麵粉漿入邊。

180度左右溫度，將之炸至金黃即可~~~

一個早餐煎三個~~

香酥鬆化，外脆內軟，非常美味，又真係，錯有錯著~~

非常美味之炸糯米天婦羅早晨全餐~~

早餐就搞掂啦~~~

一點都無浪費我嘅糯米飯團~~~

炸佐三個糯米團，咁調好的粉漿，總凈有好多㗎，而且凈係用佐蛋黃，剩低嘅蛋白，點整埋佢？ 

欲知後事如何~~~

且聽下回分解~~~