早前無意間在母親處，找回一本手抄筆記本。
是少年時對於各類民間小偏方的摘抄，從草決明的功效到小兒腹瀉的最佳食療。
不過是十三四歲左右的模樣，竟能深思远虑至未來數十年後做為一名母親的可能需求而一早照顧到。
當年科技未如今日完善，對於有興趣的信息，只能靠一支筆去記錄與保存。
看到自己收集摘抄的滿滿一大本的筆記，內容與範圍之廣，多年後的自己看來，都只能是由衷的佩服。
看來從很小開始，就很清楚自己將來的身份會是為人妻為人母的角色，所以一早，就為將來種種可能的需要而做好功夫與準備，其中幾頁，滿滿的數十種小兒無故啼哭的症狀與解決辦法，實在是好奇，當年還是小朋友的我，如何會有如此成熟與複雜的思維方式？
母親至今仍不時取笑我，年至八九歲，還要脫光衣服拉著母親幫我才肯洗澡，晚熟若我，十三四歲時，應當還在得意地當著父母掌心上的那粒明珠，何來智商，深思至此。。。。
由此看來，女性的本能與母性基因，通常都能夠駕馭於心智之上~~~
因此，常言道「女人總是不可理喻的」一話，確屬真相，實在是，女人的本能與理性，從來都不是同步成長與進步的~~~
所以做為男性，總是要多多理解的~~~
多謝！多謝！！！
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
女人仔本來約佐強哥收工後行街食飯，點知佢臨時有事要去人客處開會，咁計劃有變，唯有自己拾生。
臨時無乜準備，咁就係附近街市，求其買佐盒豬扒同一把菜心。
強哥預一個鐘後可返到屋企，一個鐘，足夠我準備一個晚餐有餘。
食碟頭飯，豬扒碟頭飯~~~
先洗好米，煮落煲飯。
然後切材料，先醃豬扒。
醃豬扒料「蔥頭、蒜蓉、薑蓉、雞粉、胡椒粉、糖、少鹽、生抽老抽、生粉」
豬扒拍鬆，然後浸入醃料內，不停翻嚟翻去幫佢入味，因為時間有限嘛。。。
洗好切好，醃得半個鐘都無個豬扒，我諗住都唔會點入味㗎啦，不過強哥已經返到屋企，咁就開始落鑊煎。
燒熱個鑊，（我唔記得落油添，就咁擺上去）豬扒擺上去，然後蓋埋蓋。
開中細火一邊煎六七分鐘左右，唔洗翻嚟翻去，就咁一路煎，一邊到一邊。
睇下，唔洗一直翻身，咁就可以煎到豬扒好靚㗎啦。。。。
每邊各煎七分鐘左右，最後開大火，唔洗再COM蓋，係豬扒表面擦一層蜜糖，有佐糖，好快就會變均勻的金黃色啦舊豬扒。
鐘意買帶骨豬扒，最美味係邊邊煎到脆卜卜嘅肥脂，油脂已被煎走，剩下係最美妙嘅享受，外脆內嫩，又估唔到又好入味喎，強哥猛咁贊正，話似食燒叉燒咁嘅味道。。。。
炒多碟菜心，一人一個碟，有飯有餸~~~
唔洗出街，一樣好滋味~~~
~~~~~~~~~~~~~~~~~~~~~~~~~~~~~~~~~~~~~~~~~~~~~
另一日嘅晚餐。。。
全部材料係哂度
1、魚扒二件，裹生粉煎熟，蕃茄一個，薑與蒜適量
2、西蘭花二朵，蒜蓉豆豉適量、自家手打魚片切片。
煮佐碟蕃茄魚~~
開胃惹味到閉~~
魚片炒西蘭花，蒜蓉豆豉蠔油調味，又係好惹味~~~
簡單住家餸，日日食都唔會膩~~~
沒有留言:
張貼留言