一日三餐全記錄

很少會虧待自己，特別是心理上。

甚至到了任性的邊緣。

從不勉強自己做任何可能會感覺委屈的事情，若有一絲絲的勉強之意，定必一開始就先行拒絕，先小人，後君子，比較文明。

於婚姻之中，同樣態度。

是任性與壞脾氣的妻子，只可憐了強哥，只能默默地，用餘生期待我良心偶爾迸發之際對他稍加的溫柔~~

知我護我者，強哥也，在他面前，全無保留的真性情，不知何德何能，竟得他無所求地寵愛有加，至始至終~~

實在無以為報，唯有一日三餐，盡心盡力~~~

———————————————————————————

早餐：

「花生醬麵餅、紅豆蓉麵餅」

之前煎麵圈，凈有一細舊仔麵團，擺入雪櫃，第二日已自動升級成為「老麵種」

將老麵種用暖水化開，加入少少二三匙麵粉，少少砂糖，搓成新面團。

麵團揉好分割成兩份，一個包入花生醬與砂糖，另一個包入紅豆蓉。

包好餡後，再壓扁略，搓薄。

兩塊餅仔就整好啦，擺入雪櫃，低溫發酵一晚，第二日早上再煎熟即成~

花生醬整嘅煎餅，勁好味~~~

基本上，有一包麵粉在手，早餐就會有千万種嘅變化，非常好玩，只要有巧思，就絕對無難事。

一個早餐，話咁易~~

午餐：

「蒜子泡菜炒意粉」

配料有：蒜切片、午餐肉切粒、泡菜切絲、瑞士汁一湯匙、意粉適量

做法：洗爆香蒜子，然後炒香餐肉，倒入意粉同泡菜翻炒，最後再落瑞士汁炒勻味道，搞掂~~

基本上，屋企有乜就落乜，只要味道衝突唔太大，都唔會有意外嘅~~~

不過真係估唔到，泡菜與瑞士汁嘅味道異常地格，食落香味之中略帶酸意，非常正嘅配搭㗎~~

晚餐：

瑞士雞亦，是強哥心中永遠無法抵抗的美，我雖然不好雞亦，但偶爾還是要滿足一下雞亦怪的胃~~

做法：

薑同酒煮滾水，落雞亦略煮，然後撈起過凍水。

跟手倒入一碗仔瑞士汁，同樣嘅碗仔，二小碗清水，再掉幾片薑入去，煮大約十分鐘後熄火浸住佢十分鐘，即成~

色澤誘人，味道香艷。

雞亦怪阿強仔一返到屋企睇到，哇哇大叫大跳，開心之情，溢於言表~~

真係難為佢啦，咁簡單嘅食物，都可以開心成咁，下次若買到新鮮雞亦的話，可以再煮俾你食啦`~~

炒多碟菜，搞掂~~~

 

一日三餐，記錄完畢！