蒸蕃薯，煲酸菜湯

屋企附近，不嬲有間咁嘅面檔係度，從來無特別留意。

突然一日，在飲食節目上睇到佢嘅出現，主持食到七情上面，巧言真係令到色鮮矣。

果不其然，第二日路經麵檔，門口一早排起人龍，人潮情況持續個幾星期都依然未退。

香港人真係將「人雲亦雲」嘅精髓演練得出神入化，無論係物質抑或精神層面，真正懂得取捨之道者，寡~~

因此，起居或飲食，總之一語記之曰「人有我都有」

主流媒體在推動時下依類淺薄主義上可話係功不可沒，日子可見功，睇到時下一輩，不是名牌不出手，從手袋，到至食肆，一切都以媒體上得到明確指引為明燈，一擁而上~~

認真可笑~~

~~~~~~~~~~~~~~~~~~~~~~~~~~~~~~~~~~~

買佐包蕃薯做早餐。

勁簡單，隔水蒸煮15分鐘左右即可~~

最天然嘅食物，最簡單的煮法，回歸本原，同樣得到嘅，係清甜與甘香嘅味道。

一個很簡單的早餐~~

每年依個季節，阿媽都會整好多潮州咸酸菜，用長芥菜嚟整。所需時間不過一至二個星期，易整又好味㗎。。。。

早幾日阿媽拎佐大大一盒自制酸菜嚟俾我，尋晚愛嚟煲湯~~~

一大舊薑拍扁，酸菜適量，豬骨適量，加水煲至出味，俾少鹽調味，搞掂~~

買佐一條大骨，一開二，勁大一舊，又想啖湯甜啲，肉味濃啲，所以又再買多條骨加埋落去，強哥話，煲過湯嘅肉都咁香嘅，當然啦，用黑毛豬嚟煲湯，肉味係香濃啲㗎~~

煲酸菜湯都係用大筒骨嚟煲，因為酸菜好縮油，加埋筒骨去煲，互利互惠，香噴噴。。。我至愛吸骨水食，一碗湯，加埋一大舊骨，飲完，已七成飽~~~

湯渣撈起，點少少辣椒豉油，好好味~~

青椒甘筍木耳臘腸，炒埋一大碟~~

係屋企食飯，要嘅，正是這一股，家的味道~~~