強哥用手機可以Online MSN，所以一路行緊返嚟屋企都可以一路同我報告佢依家行到邊，我有時想買啲咩都可以即時遙控強哥幫我去買返嚟，好方便㗎。。。。
咁樣會比較方便我控制時間煮好晏晝果餐，因為佢食完座一陣就要返公司，所以晏晝通常都唔會煮飯炒餸咁複雜，簡單地食啲粉麵較多。
晏晝一：
炒腸粉。切佐啲蔥段，少少午餐肉，少少蛋。
腸粉切半，落生抽俾咸味，再落啲印尼甜豉油膏俾香味。
我用依隻豉油膏，甜甜哋，燒烤用嘅豉油，愛嚟炒飯炒麵都一樣咁掂㗎~~依支豉油膏我係荃灣「大屋街」嘅果間印尼商店買嘅。
腸粉炒好之後，所有材料撈埋，再落少少胡椒粉，咁就香噴噴啦~~~
食炒粉麵，點少得一杯咖啡咧。。。。。
晏晝二：
整返熱幾個包，幾塊漢煲扒、幾條腸仔
煎個蛋，洗幾片生菜，切幾片蕃茄（我煎一煎腍啲蕃茄總香啊）
自己整，可以多菜多醬，好好味㗎~~~
我食一個已足夠，強哥可以食二個~~
晏晝三：
碌兩個面，少少菜，一碗仔肉醬~~~
簡單~~
沒有留言:
張貼留言