想早餐食得豐富又美味，提早一晚就要稍稍做些少嘅準備，咁第二日嘅早上，就唔洗手忙腳亂~~~
提早一晚，用佐三湯匙嘅面粉，整佐一個發麵團，做法可參考「發麵麵團」嘅做法。
第二日取出低溫發酵做一晚嘅麵團，分割為兩份，擺係室溫下，等佢醒三四分鐘。
趁住麵團醒神嘅時候，去煮熟兩條腸仔。
腸仔煮好啦，麵團都醒好啦。
將麵團搓成兩條長條，然後纏住腸仔，包實哂，就整好個腸仔包坯啦。
跟住又繼續再醒多三五分鐘，依個時候，可以去煮麥皮同衝咖啡。
等麥皮煮好啦，就可以開火，鑊落少少油，將生嘅腸仔包擺入去，細火煎至四面金黃。
然後落少少水，蓋埋個蓋，細火蒸焗三分鐘左右。
然後再住個蓋，細火再煎多次腸仔包，等佢表皮再香脆啲。
區區幾個步驟，一份新鮮整好嘅腸仔包，就完成啦。。。。
新鮮即整即食，無論係味道或口感，都與隔夜加熱嘅面包，有天淵之別，香噴噴，鬆軟軟嘅麵皮，加埋香噴噴香腸，真係一流~~~
一個豐富美味嘅早餐，唔係咁難搞~~~
沒有留言:
張貼留言