早餐餅仔配腸仔、美味蕃茄雜菜湯

今日早餐，煮佐兩條腸仔。

提早一晚整好粉漿，粉漿做法可參考「發粉餅仔」

第二日早上，煎成大大一底餅仔~~~

又香又鬆軟，一流~~

我依家係用返酵母粉，經過一晚嘅低溫發酵，第二日煎返好嘅餅仔，好鬆軟~~

個餅仔預大佐添，餅大腸仔細~~~

下次要檢討下。

卷卷卷，餅仔配香腸！~~

餅仔煎得過大，卷起後，真係好巨型~~

 

同強哥一人一份，勁飽~~~

下次煎細塊啲餅仔就好啦~~~

~~~~~~~~~~~~~~~~~~~~~~~~~~~~~~~~~~~~

尋日晚餐。

滾蕃茄雜菜湯。

先將蕃茄炒腍身，然後落清水煮滾，落埋甘筍粒，落椰菜，落免治牛肉少少，有少少免治豬肉，都落埋，兩溝~~~

然後開火滾半個鐘左右~~~

熄火後俾少少鹽調味。

啲維他命全部融佐入水度，好好飲嘅一款滾湯~~~

我齋飲佐幾碗湯，完全唔洗食飯，減肥一流啊依款湯水~~~

（另外想提係，無論煮任何酸味嘅餸，如果想酸味更突出，可以落少少鹽去提昇個酸味，落佐鹽，啲酸味即刻走出嚟好明顯）

另外，買佐條牛𦟌切片，愛嚟同甜椒炒埋一碟，又係好好味。。。

留返多少少汁，全部係碟底，牛肉汁撈飯，好香㗎~~

晚餐全家福~~