前幾日嘅晏晝果餐，晏晝都係食得清清哋，開胃啲為主。
雪櫃得返幾隻蛋，少少食凈嘅免治豬肉，一盒豆苗。
咁就整個蛋餃仔啦。
蛋三隻打散，免治豬肉同蔥粒倒入去，俾少少鹽同油，我落多一細匙酒等佢香啲，撈勻。
然後就煎蛋角。
三個雞蛋，煎起原來咁多喎~~~
不過好薄，所以基本上可以一啖一個~~
屋企總有凈茄膏。
無新鮮蕃茄，咁就用茄膏嚟整個甜酸汁啦。
落佐「茄膏、茄汁、莎糖、生抽少少」，先落少少油炒出香味~
然後加少少水等佢稀啲，最後將蛋角倒入撈勻~~
基本上啲汁都會掛住係蛋角上，唔會好稀~
好惹味，好好餸飯飯嘅蕃茄蛋角仔，就咁簡單~~
清清啲滾一個豆苗湯，好清甜，落幾隻蛋角落去，浸佐上湯嘅蛋角，又係另一種風味㗎~~~
一湯一餸，幾好~~
沒有留言:
張貼留言