適合熱天嘅小菜--蠔汁火腿冬瓜夾（食譜）

冬瓜去濕效果一流，而且熱天正當兆，又平又靚嘅大冬瓜隨便買都正到極。

依日用冬瓜整味餸，熱天食落好滋味。

靈感係嚟自早幾日整嘅斑片，只不過將斑片轉成冬瓜嚟整。

我叫佢「蠔汁火腿冬瓜夾」

材料基本上睇個名就齊哂。

做法好簡單：

1、冬瓜切厚片，中間開一刀。（切厚啲都唔怕，太薄食唔到口感）

2、中間夾上一塊體積相近嘅火腿

舖好一碟。

 

3、準備一個芡汁：

「生粉、高湯、蠔油、少少糖」

全部材料撈勻

 

4、隔水蒸10分鐘左右。

睇到冬瓜變透明即成，所以我話要切厚啲就咁解，太薄一蒸好就唔見佐冬瓜啦。

 

5、步驟3嘅芡汁放落鑊慢火煮熟，蒸好嘅冬瓜會出好多水好清甜，我都倒埋落依個芡汁一起煮，咁會清甜好多，煮好嘅芡汁倒上蒸好嘅冬瓜面，搞掂`~~

係咪好簡單咧。。。。

 

冬瓜本身嘅清甜加埋火腿嘅咸香，配以蠔汁嘅惹味，熱天食落真係好舒服~~~

 

買佐件牛扒，切粒粒，同青椒甘筍炒埋，蠔油俾味~~~

我覺得牛肉同青椒嘅味道好格，好鐘意。。。。。

蠔油真係好，配乜都好似好搭咁~~~

 

好舒服嘅一餐飯~~~