清粥小菜---瑤柱白粥+咸蛋+梅菜肉餅

上個星期六同老公去尖沙咀食飯，果晚落佐好大雨，原本諗住落住雨撐住傘，漫步雨中係好浪漫一件事，但真係無鬼用，第二日即時頭痛感冒。

第二日瞓醒之後頭痛難忍，無胃口食嘢，食佐粒感冒藥，止佐頭痛，胃口即刻嚟啦，叫老公去街市買十蚊豬肉攪碎返嚟，雪櫃總有梅菜。

老公去附近街市買肉，我係屋企就洗米，剁碎梅菜，等老公一返到嚟，壓力煲煮粥，老公買餸嘅時候，滾水浸佐兩粒瑤柱同一塊果皮，佢返到嚟剛好浸開，連米加水同瑤柱果皮一起掉入煲度，15分鐘搞掂一煲粥，另一邊開爐，蒸肉餅。

連買帶煮，半個鐘搞掂，有粥有小菜。

真係方便到爆。。。。

連老公都驚嘆，又會快成咁嘅。。。。

順手蒸埋兩個咸蛋。

雪櫃凈有少少中芹，切細細粒，掉入粥度，即時清香好多。。。。。

大人細佬都鐘意嘅梅菜蒸肉餅。。。。

搞掂。。。。