天熱無胃口，食粥就最好。
買佐磅肋排嚟煲粥，鐘意用排骨煲粥，煲幾耐個肉都唔會鞋。
排骨先用鹽醃佐幾個鐘，煮之前過一過水衝走過多鹽份。
然後好簡單，將所有材料掉入煲。
我用佐「排骨、菜干剁碎、薑一塊、果皮一塊、米、水」
快速煲細細火煲佐15分鐘，然後唔揭蓋焗多20分鐘。
啖粥好綿好入味啦。。。。
菜乾剁碎再煲，好出味好出味，啖粥香噴噴啊。。。。
我專程走去灣仔街市買健康土豬肉，可能好多人唔覺得同平日嘅豬肉有咩唔同，但係講真，依類黑毛豬嘅豬肉，真係香好多㗎。。。。
愛嚟煲粥，啖粥嘅肉香味，真係好濃好濃。。。。
另外炒多碟米粉送粥，簡單又美味~~~
留起一半粥等第二日早上整返熱佢做早餐。。。。
大半煲嘅粥加埋一碟炒米，好滿足~~~
沒有留言:
張貼留言