去肝火茶--菊花山楂杞子茶

因為我本身已經係熱底，飲佐幾日薑茶，有小小肝火盛添。。。

咁就衝返杯去肝火一流嘅茶水嚟平衡返啦。

凈係睇個樣，未飲都先清佐一半啦~~~

 

材料都係好普通料嚟嘅，全部係藥房可以買齊。

山楂、菊花、杞子

可惜買唔到貢菊，用嘅係杭菊，我個人就比較鐘意貢菊，較之杭菊更為幽香。。。。

（材料最好去有信譽嘅藥房買，避免買到「加佐色素嘅杞子、已經榨過汁嘅菊花、留得太耐變哂色無哂味嘅山楂片）

 

沖一杯茶用嘅量唔係好多，每樣少少就足夠。

想飲落好味，再落多幾粒冰糖。

 

因為材料有少少沙，所以我會先用熱水浸一浸，洗走啲塵。

然後搵個杯，將所有材料擺埋，衝滿一杯水，焗一焗出味，就搞掂~~~

 

不過山楂好削胃，最好飯後飲，咁可以下火之餘，更加可以消脂，一舉多得``~~~

我有一個朋友同我講過，佢日日飯後一杯山楂水，堅持連續飲佐半年之後，輕佐成30磅咁多啊。。。。。

足見山楂嘅消脂減肥功效有幾咁強啊。。。。