早前一日滾冬瓜湯，用佐一舊仔冬瓜，凈抵大半舊係度，咁第二日再接再勵，食埋佢。
上一餐冬瓜用佐一舊仔，我記得果舊冬瓜三蚊雞，咁當上一餐用佐一蚊，今餐當二蚊計。
冬瓜切成一舊舊，擺入煲仔度。
將瑤柱兩粒浸軟之后，將免治豬肉用柱候醬炒香，加少少薑麻油蠔油調味，炒香佐嘅瑤柱豬肉直接淋係冬瓜面度。
豬肉上一次買佐八蚊用佐一半，今餐當四蚊計。
然后將成煲野直接擺上火，開火煮。
我個爐頭可能污漕佐，個火都唔藍嘅，有少少紅色咁喎，唔知對火力有無影響咧？
開火燜得二十分鐘度，揭蓋，食得。。。
依煲野唔計瑤柱，都係六蚊雞咋。。。
買佐三蚊荷蘭豆，配以兩條麻辣腸十二蚊一起炒做一碟。
唔計水電，依碟野都係15蚊咋。
又係一餐清清爽爽嘅晚餐，合計都才不過21蚊。。。。
食個麥當當餐都唔止啦。。。。
都係自己係屋企煮飯仔實惠得多。。。。
沒有留言:
張貼留言