已經係上個月嘅晚餐，不過擺係電腦度一直懶得整理，一次過將佢哋清理出黎，費事越積越多。
鬼叫我勁鐘意入廚玩煮飯仔，老公好耐都無得出街食，咁煮得餸，順手又影埋相，當係記錄佐自已生活中嘅一部份。
依日買佐二個細隻雷公鑿苦瓜，苦瓜品種好多，係依個款嘅較甘口，我鐘意，再買多個罐頭排骨。
其實我鐘意食新鮮排骨多D，不過強哥硬係覺得用罐頭整出黎會好味D。咁就隨得佢啦，就用罐頭羅。
做法以前寫過好多次，就唔重複啦。不過依次因為屋企凈有少少梅菜，又剁埋加落去，哈，又幾好味喎，個味道豐富佐好多。
具體做法可參考依個網址「涼瓜排骨煲」
勁好送飯嘅一味餸，苦瓜我都係鐘意食好似隔佐餐嘅果種口感，好味好多。。。所以提早整好煲涼瓜煲，到夜晚食飯之前再開火焗返熱佢，咁個效果就同隔夜果D一模一樣啦。。。
已經有一個好送飯嘅餸，咁再滾多一味湯水，掂。
滾至愛飲嘅芫莤湯。無論係放豆腐或者冬瓜，都好好。。。
買佐一舊冬瓜，凈係用佐少少切絲，餘下果D下一餐繼續可以用。
另外最緊要係芫莤同少少薑，再加多一舊雞精。
雪藏肉刃根本唔算係肉丸，都係自己打最穩陣。
免治豬肉，加生粉豉油糖，最緊要係少少薑蓉，打至起膠，再用手心虎口處擠出一個個肉丸出嚟。
用雞精好過用濃湯寶，加埋新鮮打嘅豬肉丸，啖湯勁清甜。。。。
涼瓜下火，冬瓜利尿，依晚的兩味餸，都好適合夏季食㗎。。。。
沒有留言:
張貼留言