快手晚餐之---白汁肉丸意

全日無落過街，晚餐唯有倉底有乜食乜。

「罐頭白汁、冷凍肉丸、意粉一包」

足夠一個晚餐。

意粉只煮半包，所以罐頭白汁，只需半罐，加水煮開。


肉丸落埋一齊煮熟，三幾分鐘嘅事。

雪櫃原來總有幾朵西蘭花，加埋一齊烚熟。

烚熟嘅意粉同西蘭花，倒入煮好嘅白汁度撈勻，一分鐘嘅事。

將撈勻嘅意粉，擺入焗盤，面頭舖埋芝士。

入焗爐，將芝士焗融。

一將意粉由焗爐取出，強哥經已嘩一聲「好香」

二十分鐘之內可享美食。

方便食品嘅作用，就係咁樣方便用家，只要加以巧思，隨手可得美味。

食飽洗埋碗碟，時間還早，就同強哥落街散下步，吹下風，舒服~