上次老爺從西貢街市買佐蝦膠返嚟俾我帶返嚟。
第二日就整佐嚟食。
本嚟想整炸蝦球，但屋企又無面包糠，蝦球又送唔到飯，咁就走去樓下買佐盒豆腐返嚟，整返個惹味嘅蝦膠讓豆腐做餸。
材料好簡單，豆腐一盒，蝦膠適量，粟粉少少。
蝦膠本身已有調味，唔駛再俾味。
豆腐切三角，我貪心，想食肉多啲，咁就挖個大啲嘅坑。
先係豆腐底落少少生粉，再將蝦膠讓入去。
落粟粉會將蝦膠同豆腐痴得更埋。
然後就落鑊半煎炸嘅形勢整香脆。
煎到兩面焦黃就得，中間唔熟唔緊要，因為會再燜一燜。
有凈嘅蝦膠就咁搓成粒粒煎返熟。
膠球熱嘅時候脹得好大粒，一凍就縮到扁扁。
睇下，煎得幾靚~~~
用蒜蓉，黑椒，蠔油，粟粉，上湯，豉油糖搞佐一個芡汁。。。。
淋上豆腐，開火焗一焗等豆腐同芡汁入味。
烚一朵西蘭花伴碟，搞掂~~
睇下，個蝦膠係彈牙好好味㗎。。。。
加埋惹味芡汁，正~~
蒸多碟飯，一飯一餸，搞掂~~
沒有留言:
張貼留言