麵豉蒸豬青

淥碟油麥菜，腐乳醬伴食。

買佐盒豬青，切片蒸。

「麵豉醬，蒜蓉，糖，生粉」醃味。

底下擺豆卜，蒸前擺薑絲係面，蒸三個字即成。

好好餸飯~~~

早餐

早餐整三文治又快又正，屋企經常整。

依日整餐蛋治。

我鐘意蛋另外食。

信丞唔俾佢食餐肉，就自製果占加蛋早餐。

另外一日，無整，買現成。

小朋友超開心食甜甜早餐。

我對甜物一向麻麻，所以食少少就夠。

熱氣

未試過咁熱氣，眼又紅又腫，喉嚨痛到連吞口水都辛苦。

即時走去藥房買佐一包草藥。

配佐一兩蒲公英，所費不過四蚊雞。

用蒲公英煲水當茶飲一日，比任何西藥嘅消炎藥都有效，而且藥效溫和，就算小朋友飲都無問題，針對喉嚨痛，有特效，而且無任何副作用，比西藥好得多~~~

用個煲魚湯嘅袋入起洗凈嘅草藥，落一大壺嘅水，水滾後煲十分鐘左右即成。好易咋~~~

入起一大壺，全日凈係飲佢咋~~~

非常非常神奇架，飲完一日，第二日一覺瞓醒，個喉嚨痛完全無哂~~~~

有少少甘甘哋，怕苦味可以落少少片糖。

亞仔飲完一啖~~

媽媽，我都係飲返清水好喇~~~

椰汁黑糯米

前一日食凈有一碟梅菜腩肉，所以淥多碟菜，就食得。

整生菜包

意料外嘅好味，超好味~~~、

信都要玩埋一份~~

買佐黑糯米好耐無煮過。

依日好想食甜品，咁就洗乾淨啲黑糯米，一碗仔左右嘅份量。

擺入壓力煲，黑糯米加清水，用壓力煲就煮佐三個字就已經煮淋佐，如果普通煲仔煮，需時大約一個鐘。

煮好後，落片糖，落椰漿，再煮一煮滾，即成~~~

逢煮任何落椰漿嘅食物，椰漿都一定最尾落，因為太早落，會一邊煮一邊出椰油，所以一定要最後先落就啱了。

好味~~

梅乾菜蒸腩肉

 朋友送了包蘇州帶回的梅乾菜.即時想到的是豬腩肉~~~~

買了盒腩肉回來,再假模假樣地加些豆干自以為這樣吃的肉就會變少了.

梅干菜泡軟待用.

薑蔥蒜備著.

材料就下圖咁多.除佐豉油糖無擺上來.

作法:先爆香蔥薑蒜,然後倒入肉炒至變色逼些油出來,然後倒入豆干和梅干菜,加醬油糖和紹酒,炒勻味道.三五分鐘的事情.

將上圖炒好的料，轉入大碗，入壓力煲，壓半個鐘至淋軟。

不出所料，豆乾比肉更好味。

蕃茄排骨

煲蘿蔔骨頭湯.

先將骨頭與兩粒瑤柱與清水用壓力煲壓了差不多一小時.

再加入滾刀切成的蘿蔔進去轉成普通蓋

煲多半小時,又白又濃的蘿蔔湯就煲好了.

丞對煲好湯的骨頭肉較感興趣,咬佐好多~~

煮了個蕃茄排骨.

排骨先下鍋炒至轉色,倒入醬油與糖煮至酥軟,最後加入蕃茄再煮多十分鐘左右至收汁即可起鍋.

材料與作法都不難,是時間上需要用到的時間較久,耐心總能出好菜.

前一日食凈嘅腩汁留起佢，煲完湯嘅蘿蔔再用腩汁煮一煮，腩汁蘿蔔，好味~~

脆肉瓜粉絲煮臘腸

婆婆過嚟小住一兩日陪個丞玩，老人家牙唔好，煮啲淋軟啲嘅餸俾媽媽，味覺亦有少少退化，所以味道濃鬱啲開胃啲，就岩哂佢老人家~~~

信丞好鐘意果占擦包包，無果占嘅時候，新鮮生果自己即制夾包包食，咁都得架~~~

燜牛腩

燜佐點牛腩吃.

配料就幾樣:蔥頭,蒜沫,薑塊,陳皮小小兩粒.

牛腩與牛筋先出出水.

然後原鍋爆香配料,再加入"紹酒,豆瓣醬,南乳一小磚,冰糖"

小火炒到醬香.

小小的火慢慢炒,醬的味道出來了,再扔牛腩進去.

然後加水燜至牛腩酥軟即可.

老抽落多佐，顏色深佐啲，不過味道好正架~~

中午食凈碟蕃茄豆腐，整返熱食埋~~~

雪櫃有凈啲料加埋煮成一碟，落鹽俾味，估都估唔到小朋友好鐘意，食唔停~~

開飯~~

宵夜

晚飯係出邊食完先返屋企，小朋友無好好食飯，所以返到屋企，再整返個三文治俾佢。

整最簡單嘅芝士三文治。

兩邊煎一煎

最緊要芝士融佐~~~

外脆內軟，加埋芝士嘅香~~~

丞好鐘意~~~

爹地話想飲糖水，所以預先買佐包腐竹，晚上煲一煲腐竹白果意米糖水。

加隻蛋入去，丞好鐘意飲依款糖水~~~~

食完成份三文治，再飲多碗糖水，無問題`~~

先飲完糖水，再食蛋。

食完一大啖蛋，望一望個碗，話俾媽媽知，凈返幾粒細細粒嘅蛋咋~~~