有錢了。
我都消費去。
一落車就直接衝進熟悉的便利店~~~
難為亞爹同娘追餐飽~~~
姐姐，唔該唱兩個一蚊銀啊~~~
因為小朋友依日嘅表現幾好，所以買單找返嚟嘅一個兩蚊銀，就俾小朋友自己袋起佢，袋住先~
佢自己同收解姐姐肢體又好語言又好，等佢自己搞掂，我哋凈係旁觀。
成功搞掂換佐兩個一蚊銀。
一個先細心地擺入自己袋度，另一個手拎住一路跑去佢至愛嘅~~~
夾公仔機度~~~
熟練地入錢，搖桿~~~
每次投幣一蚊~~~
所以丞用一蚊雞，享受了一次自主消費的樂趣。
一次即止，玩完一次，丞就開心地同公仔機揮手拜拜。
關於小朋友的情緒控制，我係由佢一歲之後就開始著手。
小朋友一定有依樣果樣的慾望需要得到大人的滿足，一味的滿足只會讓小朋友將來無法承受任何拒絕與失望，但係一味的拒絕又會讓小朋友尚未成形的自信漸行漸遠，因此在滿足與控制之間的平衡就變得非常地重要。
丞有一款魚油丸子極喜愛，一歲之後開始每日一粒。依粒糖好好的幫助丞了解到「一」的概念，剛開始丞在不了解的情況下，食完一粒會繼續要求第二粒，而每次我都會好鄭重，好清晰地話俾佢聽「一日只能食一粒」，漸漸丞了解到，無論如何要求，每日一粒之後就肯定結束，所以一粒之後，就唔會繼續要求。有佐依個一粒的概念之後，引申出去的「依啲書你只能借一本，依啲玩具你只能選擇玩其中的一樣。。。。等等」依個係對丞最初階段的自我控制的一個小小方法，嚟到依家兩歲喇，成效係顯而易見的，丞無論係屋企還是公共場合，都識得尊重父母的意見，當然，與之相同的，做為父母亦要對小朋友做出相等的尊重，因此我們只要同佢做出溝通，就算當場拒絕佢嘅請求，基本上佢唔會有好偏激的行為舉止，最多會扁一小會咀，過一陣就無事。依個就係佢對自己情緒的控制已初見成效。
所以晚上丞雖然手中有兩蚊雞，足以玩兩次公仔機，但媽媽由頭到尾只說了句「玩一次就返屋企」
所以換好的兩枚硬幣，丞收起一個，玩佐一次，就自動同公仔機講再見，轉頭返屋企。
係好獨立嘅一個小朋友，乜都覺得自己做得到，所以出街好少推車仔，因為就算帶車仔，最後都係小朋友自己推返嚟，暫搞。
佢肯做，當然配合佢，乜都阻止小朋友，只會令到佢以後做事只會畏首畏尾，無人俾個精準嘅指示，都只敢企定定響度，乜都唔洗做。
一路推車仔返屋企，好禮貌地同幫手開門嘅座頭講佐句「乖乖」（唔該）
連開門都要自己嚟~~
未夠力開到，但係點都要自己猛返匙出嚟。
做到喇~~~
終於返到屋企，可以透返啖氣，唔該喇小朋友~~~
沒有留言:
張貼留言