創意---和風菠菜

初初學整食，的確係乜都夠膽嘗試，依個菠菜卷，就係果陣時剛剛叫做入廚有小小小小興趣，係出邊食過，番到黎之后，憑想像加創意自己整出黎既。

作法：1，將菠菜一斤，落水灼熟，跟住過一過冰水。

2，擦D麻醬，（事后證明全無需要，因為整既過程麻醬會全部流失晒）

將一斤既菠菜好似扭毛巾咁，扭成二條大蛇。

3，跟住底舖一塊壽司簾，上邊再舖一層保鮮膜，將扭好既菠菜放係上邊，卷實卷成一圈，就可以擺響雪櫃，幾時想食幾時切。

4，睇下，因為扭實佐菠菜，切既時候就唔會散開啦。

最后整佐一個酸味味既醬汁黎配合依個

「砂糖一匙+生抽一匙+橄欖油半匙+香油半匙+檸檬汁數滴 」

食之前加少少炒香佐既花生碎響個面度，會香口好多，夏季整依味涼菜，勁開胃~~

當時仲煲佐一煲青紅蘿蔔粟米湯做湯底，整佐D鹵水肉，食佐一大碗既烏冬。

呵。。。睇番自己以前整食，真係幾有心機。