榴槤雪糕

依個係舊年整既雪糕，最多榴槤果陣時賣佐個榴槤，點知太熟，索性就羅黎整佐雪糕。

其實係屋企自己整雪糕係非常非常簡單，簡單到不得了既一种甜食。

首先材料一：最好選好熟好熟果种黎整，一黎佢既香味比較濃郁，二黎比較蓉蓉爛爛，方便雪糕的制做。

材料二：就係忌廉啦。我通常會要甜忌廉黎整雪糕，可以唔使另外加糖。

作法：1，先將榴槤整到蓉晒。

2，將甜忌廉打發（如果係淡忌廉，就要係依個時候同時加砂糖落去打）

3，將榴槤蓉加入到打發佐既忌廉度繼續小心撈勻。

睇下，基本上撈勻佐就得啦。

4,跟住將佢倒入一個容器度，擺到冰格度雪一個鐘左右。

5，一個鐘之后將佢羅出黎，大力再撈一撈，再擺番雪櫃度，一個鐘之后再一次羅出黎，再重複一次撈一撈佢，之后就可以長擺響雪櫃度五個鐘以上，咁就幾時想食幾時食啦。。。

自己整雪糕，就係咁簡單，想食咩味既雪糕，就響打發佐既忌廉度加入咩材料，方法基本不變，自己整雪糕，個味香D，感覺新鮮D~~

好快夏天就黎啦，又要準備入定貨，狂食雪糕啦~~

 

最驚係影雪糕像，好難整到個形靚，整得靚得黎，如果唔影得快手D，又好快會融，一融，就會好影響影出黎既視覺效果，所以我后來整雪糕，都好少會影低，影得比較接受D既，都係果次整榴槤雪糕啦~~