簡單自製上海年糕

今日朝頭早見到網友"煮一煮嘅自制年糕食譜",覺得又易整又係我鍾意食嘅嘢,咁就即刻開工自己又試下.

覺得自己真係幾強行動力嘅~~~~

我個量米的杯仔細細,剛好俾我試玩下.

咁就一杯糯米粉,一杯粘米粉.

唔理咩容器啦,總之一半一半就得啦.

煮一煮同學嘅食譜係將加佐水嘅粉糰取一部份出嚟再煮過佢,咁我貪方便,直接沖一部份剛剛煲滾嘅滾水入去,用熱力碌熟一部份嘅粉,因為碌熟嘅粉就會產生粘性,咁就易搓個粉糰,同埋蒸好之後口感會軟糯感強啲.

沖佐一部份滾水之後,快速撥一撥,等滾水碌到多啲粉,然後再沖凍水入去,慢慢搓個粉,等佢可以搓到成形.

睇下,就搓成一個光滑嘅粉糰就好啦.

然後就咁擺係室溫下十五分鍾,等佢醒一醒.

跟住揾個碟,擦少少油,將粉糰分成二舊,然後搓成條狀,上鑊隔水蒸二十分鍾.

真係超級簡單嘅一個食譜.....

我未等佢凍哂就切片,切得好醜樣,應試等佢凍佐先好切啲,不過新鮮就咁試食佐幾塊又幾塊,又真係好好味啊....

有我鍾意嘅糯米味......

邊食已經邊肣到好幾種食法啦,以後想食,隨時都可以整到啦.....

真係多謝煮一煮同學咁好嘅食譜推薦.......

我肣愛嚟涼拌都一定好好味姐.....