薯仔炸醬粉

 

連續幾日都打唔開自己個BLOG，今天耐心等待之後，終於可以入到同埋更新佐，不過上一篇牛耳酥果篇可能因為回復嘅人數過多，所以開唔到個頁面，所以大家如果係上篇提過咩問題嘅，最好係依度重新再問過，因為我開唔到果篇文章睇大家嘅問題。

懶得煮食嘅時候，我會煮定一大煲嘅肉醬，碌個粉面，拌一大匙肉醬就搞掂，至方便不過。

煮肉醬嘅材料隨個人鐘意，依日所煮肉醬，配料方面用佐「香菇切粒，蔥頭切粒，薑蒜切粒，韓國大醬同北京甜面醬」

再加埋一盒仔免治豬肉同薯仔切粒粒做為主要材料。

 

做法：

1，爆香料頭。

2，倒入香菇炒出香味

3，倒入免治豬肉，倒入大醬同甜醬，炒上色

4，倒入薯仔粒

 

5，加水燜至收汁。

 

一煲好香嘅肉醬就搞掂了。

碌面碌粉，悉隨尊便。。。

我就買佐江西米粉。

未煮過，不過應該同意粉差唔多煮法。

都係煲滾水，落干嘅米粉，水滾之後煮多幾分鐘，熄火焗多十幾分鐘。

 

原來依隻米粉發得咁勁嘅，發佐好多啊。。。

成大煲咁多。。。

不過口感都幾好，下次可以試下用炒嘅方式去烹調。

 

我鐘意就咁干撈，再落多一大匙黑醋，香噴噴。。。

 

意粉煮法，中式食法。。。。

 

老公勁抗拒干撈食法，所以用雞湯做個湯底，再加埋米粉，煮成湯米，加大大一匙肉醬，清甜~~~