不論男女，到佐一定年紀，無可避免地都會有鈣質流失嘅現象，缺鈣會引起好多骨質問題，所以近年好多人都意識到依個問題，相應嘅鈣產品相繼推出，不過如果盲目購買鈣產品進食，時間耐佐，係腎臟同血管壁會有鈣沉積嘅問題，導致身體出現更大嘅問題，得不償失。
所以日常補鈣嘅行為，進食含鈣量大嘅食物，比之直接進食鈣產品更為健康與理想。
含鈣量大嘅食材好多，不過我想話俾大家知嘅，唔係應該進食乜去補鈣，而係想同大家分享下，如何促進同加強身體對日常食物當中鈣的吸收能力。
如果身體無辦法更好地吸收到鈣，咁進食再多的鈣，身體都會將佢拒之門外，咁所有嘅進食行為都係徒勞無功，因此要識得補鈣之餘，最緊要，係要識得如何讓身體去接受並吸收鈣。
其中最簡單，花費最少嘅方法，係「曬太陽」
係啊，就係曬太陽咁簡單咋。每日用二十到三十分鐘走出戶外，真正地曬下太陽，依個行為可以極有效地提升身體對日常進食的食物中嘅鈣質吸收。
越是生活係都市當中，直接曬到太陽嘅時間反而越少，特別係香港人，無論係工作嘅地點，或者日常娛樂嘅場所，可以接觸到陽光嘅機會都少之有少，留意下，你幾耐無試過係陽光下奔跑？
是否覺得近年好容易周身骨疼？如果係，要開始慎防，是否缺鈣了。。。。。
補鈣，由每日多曬半個鐘太陽開始！
--------------------------------------------------------------
買佐斤菜仔，整佐一煲菜菜煲。做法以前寫過，有興趣可點擊下邊嘅連接。
依排都勁懶煮飯仔，無乜點諗法，係樓下超市買佐盒雞亦，一盒得四隻大大隻，兩個人食已足夠。
用最簡單地做法去煮。
做法：1，雞全亦先出過水，然後過凍水。
2，然後原鑊落薑，煎一煎香薑。放入汆過水嘅雞亦。
3，落生抽老抽，蜜糖，加水，開大火煮至收汁即可。
（我落佐大約300ml嘅清水，煮佐大約十五分鐘）
就咁簡單嘅幾個步驟，美味嘅雞亦都整好啦。
不過要睇住火，我剛行開一陣陣，個雞亦都痴底啦，雖然無咁靚，不過一樣好好味。。。。
同樣嘅煮法，如果用走地雞去煮，美味添多十倍㗎。。。。
好簡單嘅晚餐，一個菜一個雞亦。
-----------------------------------------------------------
另一日，又係懶人餐。
碌碟菜仔。。。。
煎碟腸仔。。。。
搞掂~~
沒有留言:
張貼留言