豉油荷包蛋、叉燒豆角炒粒粒、蕃茄薯仔湯

又一套災難片上畫「2012」

同強哥聊天時講過依個可能性，假設2012真係世界末日，咁我啲會係點樣嘅反應？

即時回答「同深愛嘅你係埋一起，就算世界末日果一刻，我都甘之如飴，無所畏懼」

依句絕對唔係場面說話，我心中真實所想，的確如是。人一世，可以真心有一個愛嘅人，絕對係好幸福的一件事，就算生命明知在下一秒結束，但係知道身邊有佢，大家同一時間有同一個Ending，咁就無任何事情，可以令我感覺恐懼。

愛情如何係婚姻當中常保新鮮與熱情？

答案在每一對婚姻當中，都會有不同嘅回答。需因應婚姻當中嘅雙方性格而做出適當行為。但所有男士都應該知道嘅，是天下女性，均有一個「不安全因子」在體內恆久存在，所以做為丈夫嘅你，無論任何時候，輕輕講一句「LOVE YOU」，都絕不嫌多。

----------------------------------------------------------------

尋晚強哥話好想食荷包蛋，要求咁簡單，即刻照辦。

唔知點解，荷包蛋加埋辣椒豉油，真係特別香㗎。。。

買佐條叉燒，加埋豆角切粒粒，小小甜粟，用蒜蓉起鑊，好好味。

 

一個簡單好味嘅蕃茄薯仔湯，何時何地，都可以咁好味。。。。

 

搞掂~~