尋日整菜肉包,本嚟無諗住影抵嘅,因為隔幾日就整次包,實在無乜好講.
尋日先係屋企搓好面等佢自己發酵,然後走去街市買餸,諗住天氣咁凍,應該發得都麻麻,點知買完餸返嚟,睇下圖,發到豬頭咁大.
原先嘅面團都係四分一咁大大咋...
見發得咁勁,咪拍落嚟,睇下蒸好會點樣.
餡料方面,用佐「免治豬肉，木耳剁碎，椰菜剁碎，生粉，香油，薑蓉，胡椒粉，豉油，牛肉粉，少少糖」
將發佐酵嘅面團再搓實，然後搓成一大塊。
將佢卷起，用刀切成一細舊舊仔。
然後再壓扁，碌成一個一個圓面皮，再包啲餡料入去。
依次專登搓得面皮薄一薄，咁食起上嚟就可以皮薄餡大。
而且包得較細個，平日同樣咁多嘅面粉，最多係包六個度，今次包佐十幾個，所以體積係細佐好多。
好似無乜心機，包得好醜樣。
包好之後，等佢第二次發酵，需時大約十五分鐘。
然後上鑊蒸，蒸佐十五分鐘。
發到好大啊。。。。。
不過可能發酵過度，個皮食落口，好似海綿咁，鬆泡泡，我始終係鐘意食比較有咬口嘅面皮，唔好太鬆。
老公就超鐘意食依類鬆鬆嘅面皮，不過可能發得過度，個皮都唔靚嘅，唔夠光滑。
不個肉餡好好味~~~
一蒸好，我一氣過，食佐三個~~~
多肉少皮，正~~~
係二記買佐包「黑麥精」，唔知係咩作用，咁就試添加到饅頭入邊，整成「所謂黑麥饅頭」
發得都好靚㗎。。。
依類發酵嘅程度剛剛好，發得好靚，但係食落口唔會好似街食果D鬆到入口即化果種假，食落好有面粉特有嘅嚼勁，無論味道或者口感，都一流啊。。。。
好似面包嘅麥包咁食，乜都唔使落，凈係擦一塊牛油，夾起即食，搞掂~~~
沒有留言:
張貼留言