幾次想買蓮藕煲湯,都因為臨時又轉其它餸而拖住好耐都無煲過.
尋日立定心思,一定要買蓮藕煲湯飲,唔可以再臨時又改變主意.
受網友小丙媽嘅提醒,一餸兩食嘅方式都可以延伸至南乳蓮藕類,所以尋日無買湯骨,而係買佐排骨嚟煲湯,因為煲完湯嘅肉,可以再愛嚟燜食.
一舊蓮藕一磅重,一斤排骨,一條倉底甘筍,半碗仔綠豆,半碗仔花生.
所有材料煲一個鐘.....
蓮藕就成隻擺入去煲....
一碗好香好美味嘅蓮藕湯....
我鐘意飲蓮藕湯落少少古月粉,別具風味㗎.....
咁話明一餸兩食.咁就將蓮藕同排骨撈起.
另外再準備多一大舊南乳,少少薑絲,少少蒜蓉.
做法:
1,先將薑同蒜蓉用油爆香,較細火,將南乳略炒炒,會香好多...
2,落蓮藕,落少少水,落老抽同冰糖,少少紹酒,先燜一燜蓮藕入味.
3,落埋排骨,兜一兜勻個味,手邊有少少蔥花,都放埋落去.炒勻之後,轉入王瓦煲,再開火燜十幾分鐘入味....
排骨同蓮藕本身經過煲湯之後已經好腍,所以唔使燜得太耐都已經好入味.
轉入瓦煲燜,無咁易變到散開,又可以入味.....
好多謝小丙媽嘅意見啊,咁樣燜一燜,真係好好味啊.....
灼多碟生菜.....
正正晚餐搞掂`~~
沒有留言:
張貼留言