一餸兩食---蘿蔔牛肉清湯、柱候蘿蔔牛肉

都估唔到尋日會掛三號風球。

不過涼涼哋，滾一個暖笠笠嘅暖胃湯水飲一定好正。

於是滾一個蘿蔔牛腱湯。

材料：蘿蔔半條切片，牛腱半條切片，薑一舊仔，黑椒粒幾粒。

 

 

做法：先用滾水碌一碌牛腱，走一走血水。

 

然後凍水落薑落蘿蔔同黑椒粒。

水滾之後落牛肉，煲半個鐘左右即可`~~

落少少鹽調味足夠。

 

食時落少少蔥碎，食落味道勁似清湯腩。。。。

好清甜嘅蘿蔔湯水。。。。

 

有佐湯水，炒多碟餸。

用佐另一半嘅蘿蔔，切條，撈起煲完湯嘅牛腱，切少少薑片同蔥。

 

加埋柱候醬炒埋，又係一碟~~

 

一條蘿蔔兩個味~~

 

開飯~~