近日睇「天水圍的日與夜」。
一個無好清晰講明「時間，地點，人物，事件」既故仔。
只是淡淡地，將香港一個單親家庭，在某年的某一個假期，生活中的二三事用鏡頭表現出黎。
甚至我唔會覺得佢係一部電影，似一個記錄片的感覺多D。
無高潮迭起地故事情節，無耐人尋味地故事對白，甚至無一個開始，亦無故事的結局，平淡如一日三餐，平凡如街邊路人。
只因身居其中，對於電影中的對白，及至生活細節，都非常地感同身受，睇完既感覺，似是聽到鄰居的低聲細語，似是睇到鄰居窗后的表情。
睇完既感覺,係莞爾一笑.
----------------------------------------------
尋日無出街食飯,強哥要加班,一路開工到夜晚九點幾先至返黎.
係屋企整定兩味餸菜,等佢返黎飲啖湯,食碗飯.
買佐兩件梅頭豬扒.鬆佐肉之后切大舊,然后簡單地用「日本豉油，中國老抽、味醂、白蘭地，生粉水」醃佢一個鐘到。
然后落鑊煎至六成熟。煎豬扒真係要用易潔鑊先搞得掂。對不銹鋼PAN真係怕怕，唔敢試。
落佐老抽，個色水靚好多。。。
將豬扒鏟起，原鑊落洋蔥炒出香味。
然后再將豬扒倒返入鑊，開大火兜一兜，起碟。。。。
好惹味，好易送飯既一味洋蔥煎豬扒。
之前整咖喱雞凈返一個薯仔，唔知煮乜好，齋炒又少佐D，咁就留佐一截仔煲湯用既紅蘿蔔，紅蘿蔔同薯仔全部切絲絲。
薯仔切完絲之后過多幾次凍水，將薯仔入邊既澱粉質衝走。
然后切三粒干蔥頭。
做法，落油爆香干蔥，然后倒入紅蘿蔔同薯仔絲猛火炒軟，唔要落水，睇到變軟，就可以落鹽再炒兩炒，然后熄火，落孜然粉同辣椒粉，兜勻個味，裝碟。。。。
我食佐勁多，好好味。。。。
因為我好鐘意佢有鑊氣，有孜然味，唔會濕漉漉的感覺。
湯水，買佐一舊豬展，落佐少少雲腿，新鮮淮山一磅，紅蘿蔔大大一條，栗子幾粒，甜粟米又一D，杞子一D，意米又一D。
亂七八糟煲埋一煲，原來勁好味啵。。。。
下次買定磅栗子剝好皮雪住佢，應該可以擺好耐，煲湯既時候掉幾粒入去一起煲，啖湯甜好多。。。。
沒有留言:
張貼留言